പണ്ടൊരു നാളിൽ പട്ടണ നടുവിൽ
കെട്ടിടമൊന്നിൽ വന്നു വണങ്ങി
ഒട്ടിയ വയറും കീറിയ ഷർട്ടും
ഓട്ടപ്പാത്രം ഉണ്ടൊരു കൈയിൽ
കയ്യില്ലാത്തോൻ കണ്ണിനു ചുറ്റും
കാലുകൾ മൊത്തം വളവും തിരിവും
ഉള്ളതിലല്പം തന്നീടേണം
ഉള്ളിൽ ചെന്നാൽ ജീവൻ കിട്ടും
ഉടമ പറഞ്ഞു ചില്ലറയില്ല
പെട്ടിയിലിപ്പോൾ നോട്ടുകൾ മാത്രം
മണി രണ്ടായി ഈണു കഴിഞ്ഞു
ചിക്കനും മട്ടണും ഫ്രിഡ്ജിലുമായി വേഗം പൊക്കോ കാണരുതിവിടെ
പോയില്ലെങ്കിൽ പട്ടി കടിക്കും
കാലം പോയി രോഗം വന്നു
ഉടമയും അടിമയും ഒരു പോലായി
സഞ്ചികൾ പലതും ഉടമയെടുത്തു
കടയുടെ മുമ്പിൽ നിന്നു മടുത്തു
അരികൾ വേണം ഉടനടി വേണം
കൂടെ കൂട്ടാൻ പലതും തരണം
കേട്ടൊരു നേരം ഉടനടി വന്നു
മുമ്പിൽ നിന്നൊരു കട കട ശബ്ദം
മിണ്ടരുത് നീ
ഞാനും നീയും ഒന്നല്ലോ
ഞെട്ടിപ്പോയി ഉടമയുമപ്പോൾ ഗർജ്ജിക്കുന്നൊരു യാചക ശബ്ദം
അഹങ്കാരികളെ ഓർത്തുകൊള്ളു
കൊറോണയെന്ന ചെറിയൊരു കീടം
വലിയവനേയും ചെറുതാക്കും
