എല്ലാം കാണാൻ ആശ
എന്നും കാണാൻ ആശ
എല്ലാം കാണാനാശിച്ച് ഞാനോ-
എൻമനമോ ആദ്യം ചാടും
മഞ്ഞ നിറത്തിൽ പൂക്കൾ
ആടിരസിയ്ക്കും കാറ്റിൽ
തേൻ നുകരാനായ് ശലഭങ്ങൾ
പാറി രസിച്ചു വരുന്നുണ്ടേ
നീല നിറത്തിൽ ആകാശം
വെള്ളപഞ്ഞിക്കെട്ടാൽ മൂടുന്നു
പറവകൾ പാറി രസിക്കാനായ്
പാറി പാറി വരുന്നുണ്ടേ
പച്ചയിൽ ഉറങ്ങും പുല്ലുകളിൽ
മഞ്ഞിൻ തുള്ളികൾ മുത്തുന്നു
ആ മുഖം ഒന്നുകാണാനായ്
വാർമഴവില്ലേ പോന്നാട്ടെ
എല്ലാം കാണാൻ ആശ
എന്നും കാണാൻ ആശ
എല്ലാം എന്നും കാണാൻ
എന്നും എനിക്കാശ