ഭൂമിതൻ ജീവതാളമാകാൻ
മരണതാളം കൊട്ടിയെത്തി
ഇത്തിരികുഞ്ഞരിൽ കേമൻ
കൊറോണയാകും കോവിഡ്19
ചൊവ്വയിൽ വാസമൊരുക്കാൻ
സ്പേസിൽ നീന്തിത്തുടിക്കാൻ
കരുത്തു നേടിയ മാനവർക്കു
പ്രാണവായുവേകിയൊരമ്മതൻ
ദീനരോദനം കേൾപ്പതിന്നായ്
ഒട്ടുനേരം ഇല്ലാത്തൊരീവേളയിൽ
വിശ്രമം ഏകാനെത്തിയതാണീ കൊറോണ
വിഷപ്പുക തുപ്പി പൊടിയും പറത്തി
ചീറിപ്പായും വണ്ടിതൻ ബാഹുല്യം
മലിനമാക്കിയ വായുവിനു ജീവതാളം
നൽകാനെത്തിയതാണീ കൊറോണ
ഭൂമിതൻ ജീവതാളമാകാൻ
മരണതാളം കൊട്ടിയെത്തി
ഇത്തിരികുഞ്ഞരിൽ കേമൻ
കൊറോണയാകും കോവിഡ്19