കൊറോണ നാട് വാണീടും കാലം
മാനുഷരെല്ലാരും ഒന്നുപോലെ
കാറില്ല ബസില്ല ലോറിയില്ല
റോഡിലോ എള്ളോളം ആളുമില്ല
തിക്കിത്തിരക്കില്ല ട്രാഫിക്കില്ല
സമയത്തിനൊട്ടും വിലയുമില്ല
പച്ചനിറമുള്ള മാസ്ക്കും വെച്ച്
കണ്ടാൽ ഇന്ന് എല്ലാരും ഒന്നുപോലെ
ആയുധമുണ്ടെങ്ങും കൊന്നൊടുക്കാൻ
പേടിപ്പെടുത്തുന്ന ബോംബുകളും
നിഷ്ഫലമത്രയും ഒന്നിച്ചുകണ്ടിട്ടും
പേടിക്കുന്നില്ല ഈ കുഞ്ഞുകീടം
മർത്യന്റെ ഹുങ്കിനൊരന്ത്യം കുറിക്കാനായി
എത്തിയതാവം ഈ കുഞ്ഞുകീടം
ആർത്തികൊണ്ടത്രയോ ഓടി തീർത്തു
നമ്മൾ കാത്തിരിക്കാം ഇനി അൽപനേരം
