കാവും കുളങ്ങളും കായലോളങ്ങൾ തൻ
കാതിൽ ചിലമ്പുന്ന കാറ്റും
കാടുകൾക്കുള്ളിലെ സസ്യ വൈവിധ്യവും
ഭൂതകാലത്തിന്റെ സാക്ഷ്യം !
അമ്മയാം വിശ്വപ്രകൃതിയീ നമ്മൾക്ക്
തന്ന സൗഭാഗ്യങ്ങളെല്ലാം
നന്ദിയില്ലാത്ത നിരസ്കരിച്ച നമ്മൾ
നന്മ മനസ്സിൽ ഇല്ലാത്തോർ
മുത്തിനെപ്പോലും കരിക്കട്ടയാക്കുന്ന
ബുദ്ധിയില്ലാത്തവർ നമ്മൾ !
മുഗ്ധസൗന്ദര്യത്തേ വൈരൂപ്യമാക്കുവാ
നൊത്തൊരുമിച്ചവർ നമ്മൾ!
കാരിരുമ്പിന്റെ ഹൃദയങ്ങളെത്രയോ
കാവുകൾ വെട്ടിത്തെളിച്ചു
കാതരചിത്തമെന്നെത്രയോ പക്ഷികൾ
കാണാമറയത്തൊളിച്ചു !