"പി.പി.ടി.എം.വൈ.എച്ച്.എസ്.എസ് ചേറൂർ/അക്ഷരവൃക്ഷം/പരിസ്ഥിതി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പ്രഭാതസൂര്യന്റെ പ്രകാശരശ്മികളുടെ സ്പർശനമേറ്റാണ് ഇന്നും അമ്മു ഉണർന്നത് . കളകളാരവം മുഴക്കിയൊഴുകുന്ന അരുവിയുടെ തീരത്താണ് അവളുടെ ചെറ്റക്കുടിൽ . കൂട്ടിന് ഒത്തിരി കുഞ്ഞിക്കിളികളും പൂച്ചകളും കോഴികളും ഒരു അണ്ണാറക്കണ്ണനും അവൾക്കുണ്ട് . മാവുകളും പ്ലാവുകളും തീർക്കുന്ന മനോഹരമായ പരിസ്ഥിയാണ് അവളുടെ ബലം . അച്ഛനും അമ്മയും മരണപ്പെട്ടതിൽ പിന്നെ ഇവയൊക്കെയാണ് അവളുടെ ഏകാന്തലോകത്തെ കൂട്ടുകാർ . <br>

മൂരിനിവർന്നെഴുന്നേറ്റുവന്ന അവളെ വരവേൽക്കാൻ വാതിൽക്കൽതന്നെ കിങ്ങിണിപ്പൂച്ച ഇരിപ്പുറപ്പിച്ചിരുന്നു . അതിനെ തലോടി വാരിയെടുത്തു മുറ്റത്തേക്കിറങ്ങിയപ്പോഴേക്കും മഞ്ഞക്കിളികൾ പറന്നുവന്ന് അവളുടെ തോളിലിരുന്നു . കിലുങ്ങുന്ന കൊലുസ്സിന്റെ ശബ്ദം കേട്ട് അണ്ണാനും ഓടിയെത്തി . കോഴിക്കുഞ്ഞുങ്ങളെ അവിടെയൊന്നും കാണാത്തത്തിൽ പിന്നെ അമ്മു തിരച്ചിലായി . ഒരു നിമിഷം ആ കാഴ്ച കണ്ട് അമ്മു ഞെട്ടിത്തരിച്ചുപോയി ! അമ്മക്കോഴി കുഞ്ഞുങ്ങൾക്കൊപ്പം ചപ്പുചവറുകൾ കൊത്തിയെടുത്ത് കുന്നുകൂട്ടുന്നു . കാര്യം അമ്മുവിന് പിടി കിട്ടി . അവൾ അതിലേക്ക് നടന്നു തുടങ്ങി .<br>

"ഇന്ന് നാം വീടും പരിസരവും വൃത്തിയാക്കി പരിസ്ഥിതി സംരക്ഷകരാകാൻ പോകുന്നു . എന്താ തുടങ്ങിയാലോ" -- അമ്മു പറഞ്ഞു . <br>

"അതേയതെ, ഞങ്ങളും റെഡി" -- അവരും പങ്കുചേർന്നു . <br>