"ഗവ. ഹൈസ്കൂൾ കല്ലൂപ്പാറ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മഹോദയപുരം കേന്ദ്രമായ കുലശേഖര സാമ്രാജ്യത്തിലെ 14 നാടുകളിൽ പ്രധാനപ്പെട്ട ഒന്നായിരുന്നു വെമ്പലനാട്. വേപ്പിൻ പൂവ് ചിഹ്നമാക്കിയതിനാൽ വേമ്പൻ എന്ന് ബിരുദം പേരിനോട് ചേർത്ത പാണ്ഡ്യന്റെ ഭൂമി വേമ്പനാടായെന്ന് പണ്ഡിത പക്ഷം. AD 475 വരെ ദേശം പാണ്ഡ്യാധിപത്യ ത്തിലായിരുന്നുവെന്നും അതിനു ശേഷം കുറെക്കാലം പടിഞ്ഞാറൻ വേമ്പനാട് രവിവർമ്മ കുലശേഖര പെരുമാൾക്ക് അധീനമായിയെന്നും മഹാകവി ഉള്ളൂർ രേഖപ്പെടുത്തിയിരിക്കുന്നു.തെക്ക് പത്തനംതിട്ടയിലെ കൈപ്പട്ടൂർ കടവ് മുതൽ വടക്ക് മുറിഞ്ഞപുഴ വരെയുള്ള ദേശങ്ങൾ ഈ രാജ്യത്തിലുൾപ്പെട്ടിരുന്നു. ഇന്നത്തെ വൈക്കം, മീനച്ചിൽ, കാഞ്ഞിരപ്പള്ളി, ഏറ്റുമാനൂർ, കടുത്തുരുത്തി, വെന്നിമല, മണികണ്ഠപുരം എന്നിവ വെമ്പൊലി നാട്ടിലായിരുന്നു. ചേരമാൻ പെരുമാളുടെ പുത്ര പരമ്പരയിൽ പെടുന്നവരാണ് വെമ്പലനാട്ട് രാജാക്കൻമാരെന്നാണ് വടക്കുംകൂർ രാജ രാജവർമ്മ അഭിപ്രായപ്പെടുന്നത്.വടമതിര എന്ന് കൂടി പേരുള്ള കടുത്തുരുത്തി ഈ രാജ്യത്തിന്റെ തലസ്ഥാനമായിരുന്നിരിക്കണം.