പഞ്ചായത്ത് എച്ച്.എസ്സ്.എസ്സ്. പെരുമാട്ടി/എന്റെ ഗ്രാമം
പെരുമാട്ടി
പാലക്കാട് ജില്ലയുടെ ഒരു കിഴക്കൻ ഗ്രാമമാണ് പെരുമാട്ടി .പെരുമാട്ടി ഒരു കാർഷിക ഗ്രാമമാണ് .നെല്ല് ,തെങ്ങ് ,കവുങ്ക് ,മാവ് എന്നിവയാണ് പ്രധാന കൃഷികൾ .ചിറ്റൂർ പുഴ ഈ ഗ്രാമത്തിലൂടെ ഒഴുകുന്നു . ഈ പഞ്ചായത്തിലെ ജനങ്ങളുടെ പ്രധാന വരുമാനം കൃഷിയും കള്ളുചെത്തുമാണ്. കേരളത്തിലെ ഹൈടെക് അഗ്രി ടെക്നിക്കുകൾ പരീക്ഷിക്കുന്ന ആദ്യത്തെയും മുൻനിരയിലെയും പഞ്ചായത്താണിത്. കൃത്യമായ കൃഷി പ്രോത്സാഹിപ്പിക്കുന്നതിനുള്ള ഫാർമേഴ്‌സ് സൊസൈറ്റിയും വിവിധ കാർഷിക അനുബന്ധ പ്രവർത്തനങ്ങളും ഈ പഞ്ചായത്തിൽ നടക്കുന്നു.
പാലക്കാട് ജില്ലയിലെ ചിറ്റൂർ താലൂക്കിൽ ചിറ്റൂർ ബ്ളോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ്‌ പെരുമാട്ടി ഗ്രാമപഞ്ചായത്ത്. പെരുമാട്ടി, മൂലത്തറ, വണ്ടിത്താവളം, പട്ടഞ്ചരി(ഭാഗികം), തത്തമംഗലം(ഭാഗികം) എന്നീ വില്ലേജുകളിലായി വ്യാപിച്ചു കിടക്കുന്ന ഈ പഞ്ചായത്തിന് 60.79 ചതുരശ്ര കിലോമീറ്റർ വിസ്തീർണ്ണമുണ്ട്. പഞ്ചായത്തിന്റെ പടിഞ്ഞാറ് പട്ടഞ്ചരി പഞ്ചായത്തും കിഴക്ക് തമിഴ്‌നാടും തെക്ക് പട്ടഞ്ചരി പഞ്ചായത്തും തമിഴ്‌നാട്ടിന്റെ കുറച്ചു ഭാഗവും വടക്ക് ശോകനാശിനി പുഴയുമാണ്. കൊക്കക്കോള ഫാക്ടറിയ്ക്കെതിരെ നടത്തിയ സമരത്തിന്റെ പേരിൽ പ്രസിദ്ധമായ പ്ലാച്ചിമട ഈ പഞ്ചായത്തിലാണ്.
ഭൂപ്രകൃതി
വരണ്ട ഭൂപ്രകൃതിയാണ് പെരുമാട്ടിയിൽ അനുഭവപ്പെടുന്നത് .
പ്രധാന സ്ഥാപനങ്ങൾ
- പഞ്ചായത്ത് ഓഫീസ്
- വില്ലജ് ഓഫീസ്
- പോസ്റ്റ് ഓഫീസ്
- സർക്കാർ ആശുപത്രി
- ആയുർവേദ ആശുപത്രി
- മൃഗശുപത്രി
- ചെക്ക് പോസ്റ്റുകൾ
- വിദ്യാലയങ്ങൾ
പ്രമുഖ വ്യക്തികൾ
- വിദ്യുച്ഛക്തി മന്ത്രി കെ .കൃഷ്ണൻകുട്ടി
- മയിലമ്മ
വിദ്യാഭ്യാസ സ്ഥാപനങ്ങൾ
- കരുണ മെഡിക്കൽ കോളേജ്
- പഞ്ചായത്ത് ഹയർ സെക്കണ്ടറി സ്കൂൾ, കന്നിമാരി
- ഗവണ്മെന്റ് ഹൈസ്കൂൾ, മീനാക്ഷിപുരം
- AUPS നല്ലമാടൻ ചള്ള
- ITI മീനാക്ഷിപുരം
- വണ്ടിത്താവളം സ്കൂൾ
ചിത്രശാല
<Gallery>
പഞ്ചായത്ത് എച്ച്.എസ്സ്.എസ്സ്. കന്നിമാരി
Agriculture
<\Gallery>
റെഫെറെൻസസ്
www.manoramaonline.com