എൻ കൊച്ചുവീടിന്റെ തൊടിയിൽ ഞാനൊരു
കൊച്ചുതൈമാവ് നട്ടു
വെളളമൊഴിച്ചു വളമിട്ടു ഞാൻ
വളരുന്നതും നോക്കി നിന്നു
തളിരില വന്നു തൈ മെല്ലെ വളർന്നു
വളർന്നു വളർന്നൊരു വന്മരമായി
ഒരു നാളിലാ തൈമാവ് പൂവിട്ടുവല്ലോ
പൂവെല്ലാം വിരിഞ്ഞു കായ്കളായി
ഒത്തിരിയൊത്തിരി തേൻമാമ്പഴമായി
തേൻമാവിൽ കൂടുകൂട്ടാനായി
കിളികൾ വന്നു
മാമ്പഴമുണ്ണുവാൻ അണ്ണാൻ വന്നു
താങ്ങായ് തണലായ് എൻ കൊച്ചുതൈമാവ്
ഒരു വൻമരമായ് മാറിയല്ലോ