സൗന്ദര്യത്തിൻ നിറകുടമാണെൻ നാട്
ഭാരതഭൂവിൻ ചിലങ്കയാണെൻ നാട്
ദൃശ്യമനോഹര വിസ്മയമാണെൻ നാട്
അതി സുന്ദരിയാണെൻ നാട്
കേരവൃക്ഷങ്ങൾ നിറഞ്ഞ നാട്
വയലുകൾ ആടി ഉലയും നാട്
മലയും കുന്നും ചേർന്നൊരു നാട്
ഐശ്വര്യപൂർണ്ണമാണെൻ നാട്
കളകളമൊഴുകും പുഴയും അരുവിയും
ചിരി തൂകുന്ന പൂവും കാടും
പാട്ടു പാടും കിളിയും മേടും
എന്തു സുന്ദരമീ നാട്
കാക്കുക കാക്കുക നാമീ നാടിനെ
ഐശ്വര്യത്തിൻ ദേവതയായ്
രോഗങ്ങൾക്ക് ശാന്തി പകരാൻ
ഒത്തുചേരുക നാമീ നാട്ടിൽ
