ഇല്ലയോ ,പകർച്ചവ്യാധിയാൽ വലയുന്നതീ യുലകം,
പ്രകാശപൂരിതമായിടും .
പെരുകി-പെരുകി വൻകോടിയായി മാറിയവ
ഈ ലോക ജീവിതത്തിൽ നിന്ന് അധഃപതിക്കും
നഷ്ടങ്ങൾ തിരികെ ലഭിക്കും
മരണവും അകന്നുപോകും
ജീവനും കൊണ്ട് പൊരുതി
നാം രക്ഷ പ്രാപിക്കും
മാരക രോഗങ്ങളും സുഖപ്പെടും
ആരോഗ്യവും തിരികെ ലഭിക്കും
ഉന്മേഷമേറിയ ജീവനും കൊണ്ട്
നാം ഈ ജീവിതം കൈയ്യടക്കും
വരുന്നി നള നാളുകൾ
കണ്ണ് കുളിർമ ചൊരിയാൻ
കാത്തിരുന്നു-കാത്തിരുന്ന്
എത്തിയ സുദിനം
ഒഴുകുന്നീ സന്തോഷ ഗീതങ്ങൾ
അസ്തമിച്ചു ദുഃഖ സമുദ്രങ്ങൾ
ഇരുളെല്ലാം പ്രകാശമണിഞ്ഞു
ജീവിതവും ധന്യമാകുന്നു
പൊഴിയുന്ന ഓരോ ജീവനും
തിരികെ പിടിച്ചു നാം
പ്രിയരേ കോർത്തിണക്കി നാം
ശൂന്യമാക്കുന്നു പകച്ചവ്യാധിയെ നാം
ഇല്ലയോ നാം മണ്ണിലലിഞ്ഞു തീരുകയില്ല
പൊരുതി-പൊരുതി
ഇതും കഴിഞ്ഞിടും നാം ഉണർന്നിടും
നിത്യമാം ജീവിതത്തിലേക്ക്