ജി എം യു പി സ്ക്കൂൾ തെക്കുമ്പാട്/എന്റെ ഗ്രാമം
തെക്കുമ്പാട് ഗ്രാമം, കണ്ണൂർ ജില്ലയിൽ മാ‍ട്ടൂൽ പഞ്ചായത്തിലെ മനോഹരമായ ഒരു ദ്വീപാണ്.തെയ്ക്കി വന്ന മാട് തെയ്ക്കും മാട് എന്നും പിന്നീട് അത് തെക്കുമ്പാട് ആയിമാറി എന്നും പറയപ്പെടുന്നു.ജൈവപരമായും വിശ്വാസപരമായും ഏറെ പ്രാധാന്യമ‍ർഹീക്കുന്ന ഒരു പ്രദേശമാണ് ഇത്.ഹിന്ദു-മുസ്ലീം സമുദായത്തിൽപ്പെട്ട ജനങ്ങള് സ്നേഹത്തോടെയും സഹവർത്തിത്വത്തോടെയും ഇവിടെ വസിക്കുന്നു.തെക്കുമ്പാട് കൂലോം,തായക്കാവ്,പാലോട്ട്കാവ്,കൂറുമ്പക്കാവ്,തെക്കുമ്പാട്-ജുമാ-മസ്ജിദ്എന്നിവയാനണ് പ്രധാന ആരാധനാകേന്ദ്രങ്ങൾ.
ആരാധനാലയങ്ങൾ
- തെക്കുമ്പാട് കൂലോം
കേരളത്തിൽ സ്ത്രീ തെയ്യം കെട്ടിയാടുന്ന ഏക സ്ഥലം തെക്കുമ്പാട് കൂലോം മാത്രമാണ്. കോലത്തിരി രാജാക്കൻമാരുടെ കുലദേവതയായ മാടായിക്കാവിലമ്മയുടെ ചൈതന്യ സമ്പ്രദായത്തിൽ തന്നെയാണ് ഇവിടുത്തെ ആരാധനാ സമ്പ്രദായം. ദേവലോകത്തു നിന്ന് ഭൂമിയിൽ എത്തിയ ദേവസ്ത്രീകൾ ഭംഗിയുള്ള തെക്കുമ്പാട് ദ്വീപിൽ പൂക്കൾ പറിക്കുന്നതിനിടെ ഒരു ദേവസ്ത്രീ അവിടെ ഒറ്റപ്പെട്ടു. ദേവലോകത്തേക്കു പോകാൻ പറ്റാതെ വിഷമിച്ച ദേവസ്ത്രീ നാരദനെ വിളിച്ച് പ്രാർത്ഥിക്കുകയും നാരദൻെ്റ സഹായത്തോടെ ദേവലോകത്തേക്ക് തിരിച്ചുപോയി എന്നുമാണ് ഐതിഹ്യം. ധനു ഒന്നു മുതൽ അഞ്ച് വരെയാണ് കൂലോത്ത് കളിയാട്ടം നടക്കുന്നത്.