ഇലഞ്ഞി പൂത്തെന്ന് പറഞ്ഞതാര്,നീ
ഇലഞ്ഞിപ്പൂ പോലെ മണമുള്ളോളല്ലേ
നനുത്ത പൂനിറമഴകുളേളാളേ
നിനക്കു ഞാനെന്നെ പകുത്തു നൽകുന്നു
ഇലഞ്ഞി പൂത്തപ്പോൾ മറഞ്ഞതാര് പൂ -
ചൊരിയും പൂനിലാവൊഴുകും
രാത്രിയിൽ ചിതറുംപൂവുകൾ പെറുക്കവേ
വിരലിതളിൽ ചുംബിച്ചു മറഞ്ഞതാരോ അതുപോലെൻ മിഴികൾ
കൂമ്പുന്നു, അതിൻ നീറ്റലാൽ കരുവാളിക്കുന്നു
ഇലഞ്ഞി പൂത്തതിൻ
മണമറിയാതെയൊരു
പ്രേമശിലയായ് തീരുന്നൂ .