മനുഷ്യാ, നീ മറന്നിടല്ലേ പ്രപഞ്ച സത്യം
നിൻ ദുരിതം നിൻ കർമ്മഫലം
ദേവാലയങ്ങൾ നിശ്ചലം
വിപണികൾ നിശ്ചലം
ആഢംബരങ്ങൾ നിശ്ചലം വാഹനങ്ങൾ നിശ്ചലം
ആഘോഷ രഹിതം പൂരപ്പറമ്പുകൾ വിഷുപ്പുലരികൾ
ആരവങ്ങളില്ലാത്ത ഉത്സവങ്ങളും ഈസ്റ്ററും പെരുന്നാളും
പല ദൈവങ്ങളിൽ ഒരു ദൈവം
മുറ്റത്തെ ചക്കയ്ക്കും മാങ്ങയ്ക്കും നറു രുചികൾ
ആൾക്കൂട്ടമില്ലാത്ത മംഗല്യം
മരുന്നിനും മായത്തിനും ശമനം
മനുഷ്യാ ,നീ മറന്നിടല്ലേ പ്രപഞ്ച സത്യം
തിരിച്ചറിയുക നിൻ ബുദ്ധിശൂന്യത
വിറങ്ങലിച്ചു പോം ഒരു സൂക്ഷ്മാണുവിൻ മുമ്പിൽ
തിരിച്ചറിഞ്ഞുവോ ഓരോ ജീവന്റെ നിലയും
നില നിർത്തുക സ്നേഹ ബന്ധങ്ങൾ
പുലർത്തുക സഹജീവികളോട് കരുണ
ഭയമല്ല വേണ്ടത് ജാഗ്രത മാത്രം
പൊട്ടിച്ചെറിയുക ചങ്ങലകൾ
പാലിക്കുക വ്യക്തി ശുചിത്വം
പോരാടുക കൊറോണയ്ക്കെതിരെ
