ചിക്കനും മട്ടനും പോത്തുമില്ല
നാളുകൾ അങ്ങനെ നീങ്ങിടുന്നു
മുഷ്ടി ചുരുട്ടിയ യൗവ്വനങ്ങൾ
കത്തികയറിയ ഭാഷണങ്ങൾ
ശബ്ദകോലാഹലഘോഷണങ്ങൾ
എല്ലാം നിലച്ചു നിശബ്ദമായി
തോരണം തൂക്കിയ പന്തലില്ല
പളപള മിന്നും വെളിച്ചമില്ല
മങ്കമാർ താളത്തിൽ പാട്ടുപാടും
മാമാങ്ക കല്യാണമൊന്നുമില്ല
തമ്മിലടിയും കലഹവുമില്ല
വണ്ടിയിടിച്ച് മരണമില്ല
തെണ്ടി നടന്നൊരു ഭിക്ഷക്കാരും
പോയതെങ്ങോട്ടെന്നറികയില്ല
മട്ടത്തിൽ കയ്യുകൾ സോപ്പിടേണം
കൂട്ടത്തിൽ കെട്ട്യോളേം സോപ്പിടേണം
വെട്ടത്തിറങ്ങാതെ നോക്കിടേണം
വീട്ടിനകത്ത് കഴി‍‍ഞ്ഞിടേണം.
