ഇനിയെത്ര നാൾ കൂടിയുണ്ടാവുമീ
ഇഹലോക ജീവിതമെന്ന സത്യം......?
ഇതൾ വിരിഞ്ഞൊരു കുഞ്ഞു പൂവിനെ കാണാൻ
ഇനിയെത്ര നാൾ കൂടി ഉണ്ടാവും.....?
പ്രളയവും പ്രണയവും പ്രകൃതിയും നമ്മോട്
പോരടിക്കാനുറച്ചപോല .............
നിപയും കൊറോണയും ക്യാൻസറും പിന്നെ-
പേരില്ലാ വ്യാധികളിനിയുമേറെ....
വാ പൊളിച്ചൊന്നായ് വിഴുങ്ങാൻ തുടങ്ങുന്നു
വാവിട്ട് കരയുവാനല്ലേയാവൂ നമുക്ക്......
ലോകമേ നിന്റെ യീ യാത്രയെങ്ങോട്ടാണ്.....?
ലോകൈക ജ്യോതിസേ നീയെവിടെ....?
ജാതിയ്ക്കും മതത്തിനും സമ്പത്തിനുമപ്പുറം
ജീവനെന്നുള്ളൊരാ മൂന്നക്ഷരം
നിത്യമാകണമെന്നാകിലോ നാമിന്ന്
നിർലോപ സ്നേഹത്തിന്നുടമയാവേണം.