ഉണ്ണിക്കുണ്ടൊരു നാട്
ഭംഗിയുള്ളൊരു നാട്
മരങ്ങളും പുഴകളുമുള്ളൊരു നാട്
നട്ടുച്ചക്കും സുഖമുള്ളോരു നാട്
ഫലങ്ങൾ തിങ്ങിനിറഞ്ഞ ചില്ലകൾ
ഉണ്ണിക്കണ്ണിൽ അതിശയമേകി
മിഴിചിമ്മാതങ്ങനെ നോക്കി
ചില്ലയിലെങ്ങും കൊതിയോടെയുണ്ണി
ഉണ്ണിക്കുണ്ടൊരു നാട്
ഭംഗിയുള്ളൊരു നാട്
മരങ്ങളും പുഴകളുമുള്ളൊരു നാട്
നട്ടുച്ചക്കും സുഖമുള്ളോരു നാട്
ചെമ്മേ ചാഞ്ഞ ചില്ലയിലേക്കൊന്നാഞ്ഞുചാടി
പഴുത്തുമുഴുത്ത മാമ്പഴമൊരെണ്ണം
കൈക്കലാക്കിയാമോദത്തോടെ
കടിച്ചുകൊണ്ടവനോടി പുഴവക്കിലേക്ക്
പുഴയിലെ പരൽമീനുകൾക്കൊപ്പം
കൂട്ടുകാരുമുണ്ണിയും തുള്ളിക്കളിച്ചു രസിച്ചു
മരങ്ങളും പുഴകളുമുള്ളൊരു നാട്
നട്ടുച്ചക്കും സുഖമുള്ളോരു നാട്
