നമ്മിലെ ചിരി മാഞ്ഞു പോയി
ഒരു ചെറു കീടം നിമിത്തം
നമുക്കില്ലായെന്ന് പറഞ്ഞതിലധികവും
നാം സ്വന്തമാക്കി
സമയം കാഴ്ച പലകളികളൊക്കെ
നാം ഇല്ലെങ്കിലില്ലെന്ന് കരുതിയതൊക്കെ
നമുക്കന്യമായി
ഒരിക്കലും ഒഴിയാതിരുന്ന നിരത്തുകൾ
ഇന്നിതാ ശൂന്യമായ്
ലോകമാകെയൊരു നിലവിളി-
യൊച്ചയ്ക്കൊപ്പം ഉണർന്നിരിപ്പുണ്ട്
ഞാൻ എന്നെയും നീ നിന്നെയും
നാളെ സംസ്ക്കരിക്കേണ്ടിവരും
നമുക്കുണ്ടെന്ന് കരുതിയവർ
ഇന്നലെ ആ കീടത്തിനടിപ്പെട്ടില്ലേ
പ്രകൃതി തന്റെ പ്രഭ പൊലിപ്പിക്കാൻ
ഒരുങ്ങുന്നു
പൊടിയില്ലാ പുകയില്ലാ
ദിനകരകിരണമേറ്റവർ മിന്നിത്തിളങ്ങുന്നു
മറ്റൊരു വൈഢ്യൂ ര്യമായി
നിലവിളിയൊടുങ്ങും നാളെ
നന്മയുടെ പുലരി നാം കാണും
കാഴ്ചകളൊക്കെ തെളിയും
നമുക്ക് നമ്മെ മാറ്റിയൊരുക്കാം
ഇന്ന് നാം സോപ്പിട്ട് കഴുകിക്കളഞ്ഞത്
പ്രകൃതിക്കിണങ്ങാത്ത നന്മുടെ ശീലങ്ങളാകട്ടെ
