ക്ലബ് പ്രവർത്തനങ്ങൾ.

63 കുട്ടികളടങ്ങുന്ന ഈ വിദ്യാലയത്തിലെ കുട്ടികളെ നാല് ക്ലബ്ബുകളിലായി തരംതിരിച്ചു പങ്കാളികളാക്കിയിട്ടുണ്ട് .ഓരോ ക്ലബ്ബിലും നേതൃത്വം നല്കാൻ ടീച്ചർമാരും കൺവീനർമാരായി ഒരു വിദ്യാർത്ഥിയെയും ചുമതലപെടുത്തി .കുട്ടികൾക്ക് താല്പര്യമുള്ള വിഷയങ്ങളിൽ കഴിവ് തെളിയിക്കാൻ ക്ലബ്ബുകൾ വഴി സാധിക്കും .

സയൻസ്‌ക്ലബ്‌

ശാസ്‌ത്രബോധവും അറിവും നമ്മളിൽ രൂപപ്പെടുത്തി എടുക്കുന്നത് വിദ്യാഭ്യാസസ്ഥാപനങ്ങൾ തന്നെ ആണ് .എല്ലാ കാര്യങ്ങളിലും വസ്തുക്കളിലും ശാസ്ത്രത്തിന്റെയും സാങ്കേതികവിദ്യയുടെയും സാന്നിദ്ധ്യം കുട്ടികൾ തിരിച്ചറിയണം . വിദ്യാഭ്യാസത്തിലൂടെ ചെറുപ്രായത്തിൽ തന്നെ കുട്ടികളിൽ കൗതുകവും അറിയുവാനുള്ള ആഗ്രഹവും വളർത്താൻ സ്ക്കൂളിലെ പഠനോപകാരണങ്ങളും പരീക്ഷണശാലകളും സഹായിക്കും .

വായനക്ലബ്‌

കുട്ടികളുടെ വായനശീലം വർദ്ധിപ്പിക്കാൻ സഹായിക്കുന്ന ക്ലബ്ബ്. വായനക്ലബിന്റെ ചുമതല പ്രിയ ടീച്ചർക്കാണ്. ഈ ക്ലബിലൂടെ കുട്ടികളിൽ ഉള്ള കഴിവുകൾ കഥ,കവിത, തുടങ്ങിയ വ്യവഹാര രൂപങ്ങളിലൂടെ പ്രകടിപ്പിക്കാൻ കഴിയുന്നു. എല്ലാ വർഷവും എല്ലാ കുട്ടികൾക്കും സ്വന്തമായി ഒരു മാഗസിൻ തയാറാക്കി പ്രദർശനം നടത്താറുണ്ട്. അസംബ്ലിയിൽ വായന ശീലം വർദ്ധിപ്പിക്കുന്നതിന്റെ ഭാഗമായി മലയാളം റീഡിംഗ് കാർഡ് വായിക്കുകയും അതിനോട് ബന്ധപ്പെട്ട വ്യവഹാരരൂപങ്ങൾ (കവിത, കഥ,സംഭാഷണം) തയാറാക്കി വരാനും പറയാറുണ്ട്. കുട്ടികൾക്ക് സ്വന്തമായി വീട്ടിലൊരു ലൈബ്രറി ഉണ്ട്. ലൈബ്രറി ചുമതല കുട്ടിയാമ്മു മാഷിനാണ്. കണയം വായനശാലയിൽ നിന്നും വിദ്യാലയത്തിലേക്ക് നൂറോളം പുസ്തകങ്ങൾ നൽകിയിട്ടുണ്ട്. വായനദിനത്തിന് വായനശാല സന്ദർശനം നടത്താറുണ്ട്.ഈ വർഷം തുടങ്ങിവച്ച "വായന ചങ്ങാത്തം " മികച്ച രീതിയിൽ തന്നെ കുട്ടികളിലേക്കും രക്ഷിതാക്കളിലേക്കും എത്തിക്കാൻ സാധിച്ചിട്ടുണ്ട്‌

ഗണിത ക്ലബ്

ഗണിതത്തിനോട് കുട്ടികൾക്ക് താൽപര്യം വർദ്ധിപ്പിക്കുന്നതിനായുള്ള പ്രവർത്തനങ്ങൾ ആസൂത്രണം ചെയ്യുന്നതിനുള്ള ക്ലബ്ബ് . ചുമതല രജനി ടീച്ചർക്കാണ്. ലളിതമായ കളികളിലൂടെ പ്രവർത്തനങ്ങൾ തയാറാക്കുകയും കുട്ടികൾക്ക് ഗണിതത്തോടുള്ള അഭിരുചി വർദ്ധിപ്പിക്കാനും ഈ ക്ലബ് വഴി സാധിക്കുന്നു. എല്ലാ കുട്ടികളുടെ വീട്ടിലും ഗണിതലാബ് ഉണ്ട് . ഗണിത വിജയം, ഉല്ലാസ ഗണിതം എന്നിവ വളരെ നന്നായി വീട്ടിലും വിദ്യാലയത്തിലും നടക്കുന്നുണ്ട്. ഗണിത ക്വിസ്, ഗണിത കളികൾ, തുടങ്ങിയവ നടത്താറുണ്ട്.