ഭൂമി യുഗങ്ങളായ് യാത്രചെയ്തീടവേ,
മഹാമാരികൾ മനുഷ്യനെ കാർന്നു തിന്നീടവേ :
വൈറസ്, ബാക്ടീരിയാ സൂക്ഷ്മജീവികൾ:
വസൂരി ,പ്ളേഗ് ഇപ്പോൾ കൊറോണയും
ഭൂലോകമാകെ മരണം വിതച്ചുപോയ്,
മാനവനിന്നും നിലനിൽക്കുന്നു, അറിവിൻ മേന്മയിൽ:
ശുചിത്വവും രോഗപ്രതിരോധവുമായുധമാക്കി.
ശുചിയാക്കണം നാം വീടും ചുറ്റുപാടും,
തടയാം നമുക്കീ വ്യാധി കളെ
മാലിന്യമേറാതെ കാത്തുസൂക്ഷിക്കാം,
വളമായ് മാറ്റിടാം മാലിന്യത്തെ,
പ്ലാസ്റ്റിക് വലിച്ചെറിയാതിരിക്കാം ,
പ്രകൃതി സംരക്ഷണം കൈമുതലാക്കാം.
പ്രതിരോധകുത്തുകൾ മുടങ്ങാതെടുത്തിടാം,
വ്യാധിളകറ്റി സുരക്ഷനേടാം.
അറിവു നമുക്ക് പ്രതിരോധമാക്കാം,
ജീവമുകുളങ്ങളെ സംരക്ഷിക്കാം.