കുലശേഘരപുരം യു.പി.എസ്സ്/ചരിത്രം

ചരിത്രം

                                                                         കൊല്ലം ജില്ലയിലെ കരുനാഗപ്പള്ളി താലൂക്കിൽ കുലശേഖരപുരം പഞ്ചായത്തിൽ 1950 - ൽ സ്‌ഥാപിതമായ എയ്ഡഡ്  വിദ്യാലയമാണ് കുലശേഖര പുരം യു. പി. എസ്. പുതിയകാവ് - കാട്ടിൽ കടവ് റോഡിൽ സംഘപ്പുര ജംഗ്ഷന് പടിഞ്ഞാറു റോഡിന്റെ വടക്കുഭാഗത്തായി ഒന്നേകാൽ ഏക്കറിലാണ്  ഈ സരസ്വതി ക്ഷേത്രം സ്ഥിതി ചെയ്യുന്നത്. യശ:ശരീരനായ താഴതോട്ടത്ത് ശ്രീ. അച്യുതൻ പിള്ളയാണ് വിദ്യാലയസ്ഥാപകൻ. ശ്രീ. ശംഭു ആയിരുന്നു ആദ്യ പ്രഥമാധ്യാപകൻ . 
                                                                        കുലശേഖരപുരം പഞ്ചായത്തിലെ ആദ്യ  എയ്ഡഡ്  യു പി സ്ക്കൂൾ ഇന്ന്   71 വർഷം പിന്നിട്ട്  5, 6,7 ക്ലാസുകൾ ഉൾപ്പെടുന്ന അപ്പർ പ്രൈമറി സ്കൂൾ ആയി നിലനിൽക്കുന്നു.  ഇപ്പോഴത്തെ മാനേജർ ശ്രീ. എ. പ്രേമചന്ദ്രൻ , പ്രധാന അധ്യാപിക എം സേതു ലക്ഷ്മിയും ആണ് .ഒരു കാലഘട്ടത്തിൽ സമീപ വിദ്യാലയങ്ങളിലുള്ളതിനേക്കാൾ വളരെയധികം വിദ്യാർത്ഥികൾ പഠിച്ചിരുന്നു. സമീപസ്കൂളുകൾ അപ്ഗ്രേഡ് ചെയ്തതോടെ ഇവിടുത്തെ കുട്ടികളുടെ എണ്ണം  കുറഞ്ഞു തുടങ്ങി. 2015-16 ൽ മലയാളം മീഡിയത്തോടൊപ്പം എല്ലാ ക്ലാസ്സുകളിലും ഇംഗ്ലീഷ് മീഡിയം ആരംഭിച്ചു. 2017 - 18 ലെ പൊതുവിദ്യാലയ സംരക്ഷണ യജ്ഞത്തിനെ തുടർന്ന് P T A , പൂർവവിദ്യാർഥി സംഘടന, സാമൂഹിക പ്രവർത്തകർ  എന്നിവരുടെ ശ്രമഫലമായി  ഡിവിഷനുകൾ വർദ്ധിക്കുകയും  സംരക്ഷിത അധ്യാപകർ സ്കൂളിൽ തിരിച്ചെത്തുകയും ചെയ്തു.. വിദ്യാലയത്തിന്റെ നാനാവിധമായ പുരോഗതിക്കുവേണ്ടി കൂട്ടായ ശ്രമം ഇന്നും  തുടർന്നുകൊണ്ടേയിരിക്കുന്നു.
                                                                        ഈ  പ്രേദേശത്തിന്റെ പേര് തന്നെയാണ് വിദ്യാലയത്തിനും  നൽകിയിരിക്കുന്നത് - കുലശേഖരപുരം യുപിഎസ് .കലാലയ മുറ്റത്തിന്റെ മധ്യഭാഗത്തായ് വളർന്ന് പന്തലിച്ച  കാഞ്ഞിരമരവും  അതിനു ചുറ്റുമായി സ്ഥിതി ചെയ്തിരുന്ന ക്ഷേത്രവും ഈ  വിദ്യാലയത്തെ ഒരു കാലഘട്ടത്തിൽ അതിമനോഹരമാക്കിയിരുന്നു.എന്നാൽ 2018 ലെ ശക്തമായ കാറ്റിലും മഴയിലും പെട്ട് കാഞ്ഞിരം കടപുഴകി , തുടർന്ന് ക്ഷേത്രം വിദ്യാലയത്തിന്റെ കിഴക്കുഭാഗത്തേക്ക് മാറ്റി സ്ഥാപിച്ചു.