ഇന്നീ ഭൂവിലൊരു
അതിഥിയായ് വന്നു നീ
ക്രൂരനാം നീ ഇന്ന്
മനുഷ്യരെ ചുട്ടെരിക്കുന്നു
ചെറുതായ് വന്നു നീ
ആർക്കും പിടി തരാതെ
വ്യാപിച്ചു നീ
മനുഷ്യ മാംസം കാർന്നു തിന്നാൻ
മരുന്നിനും പിടി കൊടുക്കാതെ
ഭീരുവായ്‌ മാനവനിൽ
ഒളിഞ്ഞിരുന്നു നീ
കൂട്ടമായി പെരുകി നിൻ
അശുദ്ധ രശ്മികൾ
എന്നിരുന്നാലും,
കൊടും ഭീകരാ, നിന്നെ
ഭയന്നോടില്ല നാം
പിടിച്ചു കെട്ടും നിന്നെ
അതിജീവനം എന്ന വാക്ക്
സഫലമാക്കീടും ഈ
ഭൂവിൻ മക്കൾ
ജാതിഭേദമന്യേ
ഇനിയും ജീവിക്കും നാം
നമ്മെ കാക്കാനായി
നിന്നെ തീർക്കാനായി
ഭൂമിയുടെ മാലാഖമാരും
കാക്കിയിട്ട പൗരൻമാരും
കണ്ണടക്കാതെ പോരാടുന്നു
രാവും പകലുമില്ലാതെ
അതിജീവിക്കും നിന്നെ നാം
ഭയമില്ലാതെ ജാഗ്രതയോടെ
