എ.യു.പി.എസ്. ചെമ്പ്രശ്ശേരി/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
ലസാഗു
കേരളത്തിലെ ആദ്യത്തെ സ്കൂൾ സിനിമ
കേരളത്തിൽ ആദ്യമായി ഒരു ഫീച്ചർ ഫിലിം നിർമ്മിക്കുന്നത് എ യു പി സ്കൂൾ ചെമ്പ്രശ്ശേരി ആണ് . കുട്ടികൾ പ്രധാന കഥാപാത്രങ്ങൾ ആകുന്ന സിനിമയിൽ അഭിനയിച്ച കുട്ടികൾ എല്ലാവരും സ്കൂളിലെ വിദ്യാർത്ഥികൾ തന്നെ ആണ്. മുതിർന്ന കഥാപാത്രങ്ങളിൽ നല്ലൊരു പങ്കിനെയും അവതരിപ്പിച്ചത് സ്കൂളിലെ അധ്യാപകരും പൂർവ വിദ്യാർത്ഥികളും നാട്ടുകാരും ആണ്.
ഒരു മണിക്കൂർ മുപ്പത് മിനിറ്റ് ദൈർഖ്യം വരുന്ന ഈ ചിത്രത്തിന്റെ രചനയും സംവിധാനവും സ്കൂളിലെ പൂർവ വിദ്യാർത്ഥികളായ സുമോദും ഗോപുവും ചേർന്നാണ്. ഛായാഗ്രഹണം സ്കൂളിലെ പൂർവ വിദ്യാർത്ഥിയും ഫോട്ടോഗ്രാഫി വിഡിയോഗ്രാഫി മേഖലയിൽ ഇതിനോടകം പ്രശസ്തനായ എം സൂരാജ് ആണ്. കലാ സംവിധാനം നാട്ടുകാരനും പ്രശസ്ത ചിത്രകാരനും ചിത്രകലാ അധ്യാപകനും ആയ ആയ ഷാജി കേശവ് ആണ്. മുഖ്യ കലാസംവിധാന സഹായി ആയി നാട്ടുകാരൻ തന്നെ ആയ ചിത്രകാരൻ ഷമീം സീഗൾ ഉം സംവിധാന സഹായി പൂർവ വിദ്യാർത്ഥിയും ഫോട്ടോഗ്രാഫറും ആയ ജസീൽ ഫർഹാനും നിശ്ചല ഛായാഗ്രഹണം സ്കൂളിലെ അധ്യാപകൻ ആയ ബൈജിത്തും പ്രൊഡക്ഷൻ കൺട്രോളർ സ്കൂളിലെ തന്നെ അദ്ധ്യാപകൻ ആയ എം രാകേഷും ആണ് .
കുട്ടികളിൽ മാനവികതയിൽ അധിഷ്ഠിതമായ ജീവിതാവബോധം രൂപപ്പെടേണ്ടതാണ് എന്ന സന്ദേശം പകരുന്ന "ലസാഗു" പുതിയ കാലത്ത് കുട്ടികൾ നേരിടുന്ന ഗൗരവപൂർണമായ സാമൂഹ്യപ്രശ്നങ്ങളെ അനാവരണം ചെയ്യുന്നു.
ടീം ലസാഗു
നിർമാണം : എ യു പി സ്കൂൾ ചെമ്പ്രശ്ശേരി
രചന : സുമോദ്, ഗോപു
ഛായാഗ്രഹണം : എം സുരാജ്
കലാസംവിധാനം : ഷാജി കേശവ്
ഗാനരചന : ഒ എസ് ഉണ്ണികൃഷ്ണൻ
സംഗീതം : അനിൽ ഗോപാലൻ
എഡിറ്റിംഗ് : ജിനു ശോഭ .ഉനൈസ് മുഹമ്മദ്
ശബ്ദമിശ്രണം : ഗണേഷ് മാരാർ
ശബ്ദ ലേഖനം : വിവിദിഷ് ആനന്ദ്
പ്രൊഡക്ഷൻ കൺട്രോളർ : എം രാകേഷ്
മുഖ്യ കലാസംവിധാന സഹായി : ഷമീം സീഗൾ
നിശ്ചല ഛായഗ്രാഹണം : ബൈജിത്ത്
സംവിധാന സഹായി : ജസീൽ ഫർഹാൻ
പി ആർ ഒ : ഡോ എസ് സഞ്ജയ്
എഡിറ്റിംഗ് സ്റ്റുഡിയോ : നാസ് ഫിലിം ആൻഡ് ബ്രോഡ്കാസ്റ്റിംഗ്
അഭിനേതാക്കൾ : ഷാനു, സുരേഷ് തിരുവാലി, വിശ്വംഭരൻ, ഹസ്സൻ, സാമജ, അദിതി ആദിത്യ, വേദിക, ഷാൻരാജ്,
അർജുൻ കൃഷ്ണദേവ്, നിഖിൽ, മാഹിർ ബിൻ ജാഫർ, കൃഷ്ണപ്രസാദ്‌ തുടങ്ങിയവർ
2014 നവംബറിൽ സ്കൂൾ ദൈനം ദിന പ്രവർത്തനങ്ങൾക്ക് തടസ്സമില്ലാത്ത വിധം ചിത്രീകരിച്ച ഈ സിനിമ 2015 മെയ് 8 ന് കേരളമാകെ തിയേറ്ററുകളിൽ റിലീസ് ചെയ്തു .
സ്കൂളിനും നാടിനും അഭിമാനമായി 2015 വർഷത്തെ സംസ്ഥാന ഫിലിം അവാർഡ് പ്രഖ്യാപിച്ചപ്പോൾ "ല സാ ഗു" 2 അവാർഡുകൾ കരസ്ഥമാക്കി.
മികച്ച നിർമാണ സംരംഭം : എ യു പി സ്കൂൾ ചെമ്പ്രശ്ശേരി
മികച്ച ഗാനരചയിതാവ് ശ്രീ ഒ എസ് ഉണ്ണികൃഷ്ണൻ
ടാലന്റ് ലാബ്
കുട്ടികളുടെ വിവിധങ്ങളായ കഴിവു കൾ പ്രോത്സാഹിപ്പിക്കുക എന്ന ലക്ഷ്യത്തോടെ 2016 - 17 അക്കാദമിക വർഷത്തിൽ സ്ക്കൂളിൽ ആരംഭിച്ച പദ്ധതിയാണ് ടാലന്റെ ലാബ് . സ്കൂളിലെ ടൈം ടേബിളിലെ സർഗവേള പിരിയഡുകൾ സംയോജിപ്പിച്ചു കൊണ്ട് ആഴ്ചയിൽ ഒരു ദിവസം കുട്ടികൾക്ക് അവർ ഇഷ്പ്പെടുന്ന ഏതെങ്കിലും മേഖലയിൽ വിദഗ്ധ പരിശീലനം നൽകി വരുന്നു. സ്പോട്സ് , കരാട്ടെ, നൃത്തം, സംഗീതം, പേപ്പർ ക്രാഫ്റ്റ്, വെയ്റ്റ് മെറ്റിരിയൽ , വെജിറ്റബിൾ പ്രിൻന്റിങ്ങ്, മുത്ത് കോർക്കൽ, എമ്പ്രോയ്ടറി എന്നീ മേഖലകളിലാണ് പരിശീലനം നൽകി വരുന്നത്.
കൂടുതൽ അറിയാൻ ഇവിടെ ക്ലിക്ക് ചെയ്യുക
കോവിഡ് കാല പ്രവർത്തനങ്ങൾ
ടാബ് ലാബ്
* ഓൺലൈൻ ക്ലാസുകൾ കാണാൻ സാഹചര്യമില്ലാത്ത കുട്ടികൾക്കായ് സ്കൂളിലെ അധ്യാപരും പിടിഎയും മാനേജ്മെന്റും പൊതു സമൂഹവും കൈകോർത്ത് കൊണ്ട് ആരംഭിച്ച പദ്ധതിയാണ് ടാബ് ലാബ് . പദ്ധതിയുടെ ഭാഗമായി 20 ഡിജിറ്റൽ ഡിവൈസുകൾ (ടാബ്) സ്കൂളിലെ ലൈബ്രററിയിലേക്ക് നൽകുകയും അവ അർഹരായ കുട്ടികൾക് ഓൺലൈൻ ക്ലാസ് കാണാൻ നൽകുകയും ആവശ്യത്തിന് ശേഷം സ്കൂൾ ഡിജിറ്റൽ ലൈബ്രറിയിലേക്ക് തിരിച്ച് നൽകുന്നു.
കിറ്റ് വിതരണം
* സ്കൂളിന്റെ അടുത്ത പ്രദേശങ്ങളായ ആനക്കോട് കോളനിയിലും ഏറാഞ്ചേരി കോളനിയിലും കോവിഡ് മൂലം പ്രയാസം അനുഭവിച്ച മുഴുവൻ കുടുംബങ്ങൾക്കും സ്കൂളിലെ അധ്യാപകരുടെ നേതൃത്ത്വത്തിൽ ഭക്ഷ്യ കിറ്റ് നൽകി.
ഉയരെ
2019-20 വർഷത്തിൽ സ്ക്കൂൾ നടപ്പിലാക്കിയ അക്കാദമിക പദ്ധതിയായിരുന്നു " ഉയരെ". എല്ലാ കുട്ടികളേയും അക്കാദമികമായി മുഖ്യധാരയിലേക്ക് ഉയർത്തലും വ്യക്തിത്വ വികസനവും ആയിരുന്നു പദ്ധതിയുടെ ലക്ഷ്യം. പ0ന പിന്തുണ ആവശ്യമുള്ള കുട്ടികൾക്കായി ആകർഷകമായ വർക്ക് ബുക്ക് സക്കൂൾ തയ്യാറാക്കി. ബി.ആർ.സി കോർഡിനേറ്റർ മണികണ്ഠൻ മാഷ് "ഉയരെ " വർക്ക് ബുക്കിൻ്റെ പ്രകാശനം നിർവഹിച്ചു. കുട്ടികളുടെ രക്ഷിതാക്കളെ വിളിച്ച് പദ്ധതി പ്രവർത്തനങ്ങളെക്കുറിച്ച് വിശദീകരിച്ചു. എല്ലാ കുട്ടികൾക്കുമായി മൾട്ടി ലെവൽ പ്രവർത്തനങ്ങൾ തയ്യാറാക്കി എല്ലാ ദിവസവും ഒരേ സമയത്ത് കൊടുത്തു. വ്യക്തിത്വ വികസനവും വ്യക്തി ശുചിത്വവുംമുന്നിൽക്കണ്ട് ഒരു ഡിസിപ്ലിൻ ചാർട്ട് ഓരോ ക്ലാസ്സിലും തയ്യാറാക്കി .അതിന് കുട്ടികളിൽ നിന്ന് മികച്ച പ്രതികരണമാണ് ഉണ്ടായത്. പിന്തുണ ആവശ്യമുള്ള കുട്ടികളിൽ വളരെ വലിയ മാറ്റം ഉണ്ടാക്കാൻ പ്രവർത്തനങ്ങളിലൂടെ സാധിച്ചു.
ചുവട്
2019 -20 ൽ സാമൂഹിക പങ്കാളിത്തത്തോടെ സ്കൂൾ ഏറ്റെടുത്ത് നടപ്പിലാക്കിയ ഒരു പദ്ധതിയാണ് "ചുവട്". പ്ലാസ്റ്റിക് ഉപയോഗം കുറയ്ക്കുക എന്നതായിരുന്നു ലക്ഷ്യം. അതിൻ്റെ ഭാഗമായി ജനറൽ പിടിഎ വിളിക്കുകയും പ്ലാസ്റ്റിക്കിൻ്റെ ദോഷഫലങ്ങളെക്കുറിച്ച് രക്ഷിതാക്കളേയും കുട്ടികളേയും ബോധവാൻമാരാക്കുകയും ചെയ്തു. ഗാന്ധിജിയുടെ യുടെ 150ആം ജന്മദിനമായ ഒക്ടോബർ രണ്ടിനോടനുബന്ധിച്ച് സേവനവാരം ആയി ആചരിച്ചു. ആ ആഴ്ച്ച കുട്ടികൾ സ്ക്കൂളും പരിസരവും പ്ലാസ്റ്റിക് വിമുക്തമാക്കി. പ്ലാസ്റ്റിക് ഉപയോഗം പരമാവധി കുറയ്ക്കുക എന്ന ലക്ഷ്യത്തോടെ സ്കൂളിൽ ഒരു തുണിസഞ്ചി ശില്പശാല സംഘടിപ്പിച്ചു. ടാലൻറ് ലാബിൽ കുട്ടികൾ വീട്ടിൽ നിന്ന് ഇന്ന് തുണി കൊണ്ടു വന്ന് തുണിസഞ്ചികൾ ഉണ്ടാക്കി. അതിനുശേഷം കുട്ടികൾ അവരവരുടെ വീട്ടിൽ ഉപയോഗശൂന്യമായി കിടക്കുന്ന പ്ലാസ്റ്റിക് കവറുകൾ മണ്ണിൽ വലിച്ചെറിയുന്നതിന് പകരം കഴുകി വൃത്തിയാക്കി സൂക്ഷിക്കുകയും എല്ലാ ബുധനാഴ്ചയും രാവിലെ
സ്കൂളിൽതന്നെ ശേഖരിക്കുന്ന ഒരു രീതി നടപ്പിലാക്കുകയും ചെയ്തു. കൊണ്ടുവരുന്ന പ്ലാസ്റ്റിക്കുകളുടെ വൃത്തി അദ്ധ്യാപകരുടേയും ശുചിത്വ സേനയുടെയും ഹരിതസേനയുടെയും നേതൃത്വത്തിൽ ഉറപ്പുവരുത്തി . വർഷാവസാനം വരെ നീണ്ടുനിന്ന പദ്ധതി വൻ വിജയമായിരുന്നു .
ആരോഗ്യകായികം
കുട്ടികളുടെ കായിക ശേഷി വർദ്ധിപ്പിക്കുന്നതിനായി പ്രത്യേക പരിശീലനം നൽകി വരുന്നു. അതിന് ആവശ്യം ആയ സ്പോർട്സ് കിറ്റുകൾ പി ടി എ യുടെ സഹായത്തോടെ സംഘടിപ്പിച്ചു.
സി പി ടി എ
എൽ കെ ജി മുതൽ ഏഴാം ക്ലാസ് വരെ കൃത്യമായി സി പി ടി എ നടത്തി കുട്ടികളുടെ പഠന പുരോഗതി വിലയിരുത്തുന്നു.
ക്ലാസ് ലൈബ്രറി
വായനാ ശീലം വളർത്തുന്നതിനും വിഷയബന്ധിതമായ റഫറൻസുകൾക്കും എല്ലാ ക്ലാസ്സിലും ലൈബ്രറി സജ്ജീകരിച്ചിട്ടുണ്ട് . വിശേഷാവസരങ്ങളിൽ കുട്ടികൾ ലൈബ്രറിയിലേക്ക് പുസ്തകങ്ങൾ സംഭാവനയായി നൽകി വരുന്നു.
സഞ്ചയിക പദ്ധതി
കുട്ടികളിലെ വളർത്തുന്നതിന്റെ ഭാഗമായി സഞ്ചയിക പദ്ധതി നടപ്പിലാക്കി വരുന്നു
പൂർവ്വ വിദ്യാർത്ഥി കൂട്ടായ്മ
പൂർവ്വ വിദ്യാർത്ഥി കൂട്ടായ്മ ഒരു രജിസ്റ്റേർഡ് സംഘടന ആയി, സംഘടനയുടെ നേതൃത്വത്തിൽ സ്കൂൾ പ്രവേശന കവാടം നിർമിച്ചു .
കുട്ടികൾക്കായി വിവിധ ക്യാമ്പുകൾ സ്കൂളിൽ സംഘടിപ്പിക്കാറുണ്ട്.
ഐ ഇ ഡി സി ടീച്ചറുടെ സേവനം
പ്രത്യേക പരിഗണന അർഹിക്കുന്ന കുട്ടികൾക്കായി ബി ആർ സി യിൽ നിന്നുള്ള ഐ ഇ ഡി സി ടീച്ചറുടെ സേവനം ഉറപ്പ് വരുത്തുന്നു.