ഇരമ്പലുകേൾക്കും ദൂരത്തായി
മഴ പൊടിയും ചാരത്തായി
മഴയുറയ്ക്കും പെട്ടെന്നായി
മരങ്ങളുരസിയിളകുന്നു
ഇലകൾ തമ്മിൽ പുൽകുന്നു
ആഘോഷിക്കുന്നീ മഴയും
മരത്തിലഭയം പ്രാപിച്ചാക്കിളി
ചിറകുകൾ കൊത്തിക്കു ടയുന്നു
ജലത്തിലൊഴുകി വരുന്നൊരാ..
ചെറു പ്രാണികളെ ഇരയാക്കീടാൻ
പറന്നു വരുന്നു കൊക്കുകളും
പാഞ്ഞു വരുന്നു പൊന്മാനും
മഴത്തുള്ളികളാൽ മുത്തണിഞ്ഞു
പൂക്കൾ നിന്നു ചിരിക്കുന്നു
മാനം തെളിഞ്ഞെങ്കിലുമെന്നുടെ
മനസിലിരമ്പുന്നീ മഴയും