മനുജാ ! നീ കരുതിയിരിപ്പൂ ......
എത്രയോവട്ടം എന്നന്തരംഗം
തുറന്നു കാണിപ്പൂ നിൻ മുമ്പിൽ
എൻ ചോര നീ ഊറ്റിക്കുടിച്ച്‌
ചണ്ടിയായ്‌ എന്നെ വലിച്ചെറിഞ്ഞില്ലേ
ഞാനപ്പോഴേ നിൻ മാർവിൽ
രൗദ്രഭാവത്തിലായി
എന്നിട്ടും നീ മനം തിരിഞ്ഞതില്ല
ഇപ്പോഴിതാ ഭൂഗോളത്തെ-
യാകമാനം നശിപ്പിക്കും വിധൗ
കൊറോണ വൈറസുമായി ......
ഇന്നോളം ഇക്ഷിതിയെ
സംഹരിച്ചില്ലല്ലോ ഈവിധം
മാറ്റുക ! മർത്യാ നിൻ മനോഭാവം
നിൻ വിചാരധാര നിൻ ചിന്താഗതി
വിധേയമാക്കൂ പ്രകൃതി തൻ മറവിൽ
ജാഗ്രതയോടെ നയിച്ചിടൂ നിൻ ജീവിതം
നല്ലൊരു നാളേയ്ക്കായി ......
