നിസ്സ്വാതന്ത്ര്യം എന്ന കയ്പറിഞ്ഞപ്പോൾ ആദ്യം
തുറന്നുവിട്ടതു കൂട്ടിൽ കിടന്ന കിളിയെയാണ്
സ്വാതന്ത്ര്യം എന്താണന്നറിയണമെങ്കിൽ അതില്ലാത്തവണമല്ലോ
എല്ലാം തികഞ്ഞവരെന്നഹങ്കരിച്ച മനുഷ്യകുലം
പെട്ടന്നൊരു ദിനം കേൾക്കുന്നു ലോകത്തു മൃതുവിൻ രൂപത്തിൽ വൈറസെത്തി
അഖിലം വിറച്ചതാ കോവിഡിൻ ഭീതിയിൽ
അദൃശ്യമാം അണുവിൻ മുൻപിൽ നിസ്സഹായനായപ്പോൾ
ദൈവത്തിൻ പ്രതിരൂപമായി ചിലരവതരിച്ചു
തൂവെള്ളയും കാക്കിയുമായി മാസ്കിട്ട് മുഖം മറച്ചവർ
സ്വന്തം കുടുംബവും താല്പര്യവും അകറ്റി നിർത്തി
ജീവന്റെ പണയത്താൽ പോരാടുന്നവർ
അവർക്കെല്ലാം സ്‌നേഹത്തിൻ മുഖമായിരുന്നു
മാനവരക്ഷക്കായി ഭൂമിയിൽ അവതരിച്ച ഈശ്വരനെ പോൽ
ഒരായിരം മുഖങ്ങളുണ്ടിന്ന് ഭൂമിയിൽ ഉറ്റവർക്കായി മനുഷ്യനായി
ജീവന്റെ ഓരോ തുടിപ്പിനുമായി
ഇനി നമുക്ക് പറയാം
ഒന്നല്ല മുഖം മറച്ചു സ്നേഹവും കരുതലുമായി
ഒരായിരം ദൈവത്തിൻ പ്രതിരൂപങ്ങളുണ്ട്
മനുഷ്യരക്ഷക്കായി ഭൂമിയിൽ
