ನೀರವ ರಾತ್ರಿಯ ಕಾರ್ಮುಗಿಲಿನಲೆಗಳನು
ಗುಡುಗು,ಮಿಂಚುಗಳು ಸಿಡಿದೆಬ್ಬಿಸುತ್ತಿತ್ತು
ಒಡೆದು ಚೂರಾದ ಮಾಡುಗಳೆಡೆಯಿಂದ
ಮಳೆ ನೀರ ಜಲಧಾರೆ ಮನೆಯೊಳಗಿತ್ತು
ಒಳಕೋಣೆಯ ಚಿಂದಿ ಹಾಸಿನಲ್ಲಿ
ಲೋಖ ತಿಳಿಯದ ಮಗು ನಿದ್ರಿಸಿತ್ತು
ನೀರ ಧಾರೆಯನ್ನು ಕೋಣೆಯೊಳು ಹರಿಯದೆ ;
ತಾಯಿ ಕರುಳು ಪ್ರತಿಭಟಿಸುತ್ತಿತ್ತು
ತನ್ನೆಲ್ಲಾ ತುಣುಕು ಬಟ್ಟೆಗಳ ಚೂರನ್ನು
ಒಂದಾಗಿಸಿ ಒಂದೊಂದಾಗಿಸಿ... ಕೂಸಿನ
ಮೈಮೇಲೆ ಹಾಕುವ ತಾಯಿ ;
ತನ್ನೆಲ್ಲಾ ಚಳಿಯನ್ನು ಮಡುವು ಗಟ್ಟಿದ ನೀರಲಿ
ಬಿಸಿಯಾಗಿಸಿ....ಬಿಸಿಯನ್ನಾರಿಸಿ....
ಪ್ರೌಢತೆಯ ಪ್ರಬುದ್ಧತೆ ತಲುಪಿದ ಮಗು
ಅವನಾದನು..ನವ ಯುವಕನಾದನು
ತಾರುಣ್ಯ, ಯವ್ವನ ಕಳೆದ ತಾಯಿ
ಹಿರಿಯಳಾದಳು...ತುಚ್ಛ ಮುದುಕಿಯಾದಳು
ಗೆಲ್ಲುಗಳಿಗಾಸರೆ ನೀಡಿದ ಬೇರು
ಬಿರುಗಾಳಿಗೆ ಅಲುಗಾಡಿದಾಗ...;
ಗೆಲ್ಲುಗಳು ಕೆಳಗೆ ಮುರಿದು ಬಿಲ್ದುವ ತರಃ
ಸಂತಾನ ಗೆಲ್ಲು ಮುರಿಯುತ್ತಿತ್ತು
ಮನೆಯಲ್ಲಿ ತಾಯಿಗೆ ಯಾಕೆ ಕಿರಿಕಿರಿ ?
ಕೆಮ್ಮುವ ಮುದಿಜೇವ ಮಗನಿಗೂ ತುರಿತುರಿ
ವಾಚಾಳ ತಾಯಿ ಹೆಂಡತಿಗೆ ಅಡಕತ್ತರಿ
ವೃದ್ಧಾಶ್ರಮವೇ ತಾಯಿಗೆ ಸೂಕ್ತ ರೀತಿ....
ಕರುಣೆಯ ಪ್ರತಿರೂಪ ತಾಯಿ
ವಾತ್ಸಲ್ಯದ ಕರುಣಾಮಯಿ ತಾಯಿ
ಮಮತೆಯ ಮಧುವರ್ಣ ತಾಯಿ
ಪ್ರೀತಿಯ ವೈಶಾಲ್ಯವೇ ಈ ತಾಯಿ
ನವ ಮಾಸ ತಾಯಿ ಗಭ೯ದಾಳದಿ
ನೆತ್ತರು ,ಲವಣಗಳ ಆಹಾರದಿ
ಜನನೀ ದಾತೆಯ ಆರೈಕೆಯಲಿ
ನವ ಕೂಸು ಕಂಡಿತೀ ಪೃಥ್ವಿಯಲಿ
ನವ ಮಾಸ ಹೊತ್ತ ಈ ಜೀವದ
ಒಡಲಾಳದ ಬಿಸಿ ತಾಗದೆ ಹೋಯ್ತೇ
ಬಹು ಮಹಡಿ ಆಡಂಬರ ಮಳಿಗೆಯಲಿ
ಈ ಮುದಿ ಜೀವಕಾಸರೆ ಇಲ್ಲವಾಯ್ತೇ
