രാവിലെ ചായ കഴിഞ്ഞ്
ടിവി കണ്ടിരിക്കുമ്പോൾ
അച്ഛൻ ഉറക്കം തൂങ്ങാറുണ്ടെന്നും
അപ്പോൾ അമ്മ വിളിച്ചുണർത്തി
ചൂടുചായ കൊടുക്കുമെന്നും
ഉച്ചയൂണു കഴിഞ്ഞ് രണ്ടുപേരും
ഒന്നു മയങ്ങും എന്നും
പറമ്പിൽ തൊട്ടാവാടിപൂക്കൾ ഉണ്ടെന്നും
വൈകുന്നേരം മുറ്റത്തെ മാവിൻ തണൽ
സിറ്റൗട്ടിലെ കസേരയോട്
കുശലം പറയാൻ വരുമെന്നും
അഞ്ചു മണിയുടെ വെയിൽ
ഊണ് മേശപ്പുറത്ത് വിരി ഇടും
എന്നും ഇന്നലെ വന്ന
കൊറോണയാണ് കാട്ടിത്തന്നത്