വഴി നീളെ കണി വെച്ച് ചായും മരങ്ങൾ
ഇടതൂർന്നിടതൂർന്നുറങ്ങും മലകൾ
സായാഹ്നസൂര്യൻ തൻ ഭാവമോ ധന്യം
അലകളിലായൊഴുകുന്ന ജലമോ രത്‌നം
ശിഖരങ്ങളിൽ തോരണം പോൽ ആവാസകേന്ദ്രം
ഉത്തുംഗ ഭാവത്തിൽ നിറയുന്ന മേഘം
ആകാശ വീഥികളിലെ വാഹനമോ പക്ഷി
ആകാശം തൊടുവാനായി ശ്രമിക്കും മനുഷ്യൻ
മരതക കാഞ്ചി പോൽ തിളങ്ങും പുൽകൾ
പ്രഭാത നിദ്രകൾ തൻ ആഗമനം ശുഭം
സൂര്യ ചന്ദ്ര പ്രഭയോ മാണിക്യ മാല
സർവവും പ്രകൃതിതൻ മായാവിസ്മയം..
