രാവിലത്തെ പ്രാതൽ കഴിഞ്ഞു
ടീവി കണ്ടു കൊണ്ടിരിക്കുമ്പോൾ
ഉപ്പ ഉറക്കം തൂങ്ങാറുണ്ടെന്നും...
അപ്പോൾ ഉമ്മ വിളിച്ചുണർത്തി
ചൂട് കാപ്പി കൊടുക്കാറുണ്ടെന്നും...
ഉച്ചയൂണ് കഴിഞ്ഞു രണ്ടു പേരും ഉറങ്ങാറുണ്ടെന്നും...
പറമ്പിൽ
കപ്പയും ചേനയും ഉണ്ടെന്നും
വൈകുന്നേരം
മുറ്റത്തെ മാവിൻ തണൽ
സിറ്റ് ഔട്ലെ കസേരയോട്
കുശലം പറയാൻ വരുമെന്നും...
അഞ്ചു മണിയുടെ വെയിൽ
ഊണ് മേശ പുറത്ത്
വിരിയിടുമെന്നും...
ഇന്നലെ വന്ന കൊറോണയാണ്
കാട്ടിത്തന്നത്......
