പച്ചപ്പാവാടയുടുത്ത് നെൽക്കതിരുകൾ നൃത്തമാടുന്നൊരെൻറെ കേരളം
കേരവൃക്ഷങ്ങൾ കാറ്റിലാടുന്ന തരുണീമണിയാണെൻറെ കേരളം
കാൽക്കൊലുസുകൾ ഇട്ട് പമ്പയും പെരിയാറും ഒഴുകുന്നൊരെൻറെ കേരളം
കാലചക്രങ്ങൾ കറങ്ങുമ്പൊഴും അതിനോടൊത്തു ഗമിക്കുന്നു കേരളം
കേരള ജനതയൊന്നായ് വാഴ്ത്തുന്നമനോഹരിയാണെൻറെ കേരളം
അതിസുന്ദരിയാം താമര തഴുകി ഉണർത്തുന്ന ഇഷ്ടപുത്രിയാണെൻറെ കേരളം
കുമാരനാശാൻറെയും കഞ്ഞുണ്ണിമാഷിൻറെയും കേരളം
വൃക്ഷലതാദികളാൽ പൂവണിയുന്ന ശ്യാമസുന്ദരമാണ് കേരളം
വീണപൂവും മാമ്പഴവും ജനിച്ച പ്രകൃതിരമണീയമായ എൻറെ കേരളം
നീലാകശം പരവതാനി വിരിക്കുന്ന, വെള്ളമേഘങ്ങളാൽ ചിറകടിക്കുന്നൊരു
പക്ഷിയാണെൻറെ കേരളം
കഥകളി നൃത്തമാടുന്ന സുമുഖിയാണെൻറെ കേരളം
വള്ളം കളിയുടെ ഓളം തല്ലുന്നനശ്വരയാണെൻറെ കേരളം
ഇതോർമ്മകളിൽ ഒഴുകുമ്പോൾ ഓർക്കുകെത്ര സുന്ദരം എൻറെ കേരളം
