(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
കൊറോണ കാട്ടിത്തന്നത്
രാവിലത്തെ ചായ കഴിഞ്ഞ്
ടിവി കണ്ടിരിക്കുമ്പോൾ
അച്ഛൻ ഉറക്കം തൂങ്ങാറുണ്ടെന്നും
അപ്പോൾ അമ്മ വിളിച്ചുണർത്തി
ചൂട് ചായ കൊടുക്കുമെന്നും
ഉച്ചയൂണു കഴിഞ്ഞ് രണ്ടുപേരും ഒന്നുമയങ്ങും എന്നും
പറമ്പിൽതൊട്ടാവാടി പൂക്കളും ഉണ്ടെന്നും
വൈകുന്നേരം മുറ്റത്തെ മാവിൻ തണൽ
സിറ്റൗട്ടിലെ കസേരയോട് കുശലം പറയാൻ
വരുമെന്നുംഅഞ്ചു മണിയുടെ വെയിൽ
ഊണ് മേശ പുറത്ത് വിരിയിടുമെന്നും
ഇന്നലെ വന്ന കൊറോണ യാണ്
കാട്ടിത്തന്നത്….
