പൊരുതുവാൻ നേരം ആയിരുന്നു കൂട്ടരേ-
പ്രതിരോധ മാർഗത്തിലൂടെ,
ചങ്ങല മുറിക്കാം, നമുക്കി ദുരിതത്തി-
നിഴലിൽ നിന്നുപോലും മുക്തി നേടാം.
ഒഴിവാക്കു, സ്നേഹ സന്ദർശനം,
സ്നേഹാന്വേഷണം, ഫോണിലൂടെ.
അല്പകാലം നാം കാണാതിരുന്നാലും,
കാണുമ്പോൾ, കൂപ്പുകൈ ദൂരെ നിന്നും.
അനുസരിക്കാതെ, തോന്ന്യാസം നടക്കുന്ന-
സോദരെ, നിങ്ങളീ ലോകം തകർക്കുന്നു.
നിർദേശം പാലിക്കാം മടിയാതെ,
ആശ്വാസമേകുന്ന ശുഭ വാർത്തക്കായ്.
ഒരു മനസ്സായി ശ്രമിക്കാം.
ശ്രദ്ധയോടെ, വിവേകത്തോടെ,
മുന്നേറാം ഭയലേശമേശാതെ,
ഈ ലോക നന്മക്കായ്.