ഔവർ ലേഡീസ് സി.ജി.എച്ച്.എസ്. പള്ളുരുത്തി/അക്ഷരവൃക്ഷം/പ്രത്യാശ

പ്രത്യാശ ലോക്ക് ഡൗൺ കാലഘട്ടം കോവിഡ് 19 എന്ന മഹാമാരിയെ ഭയന്നും ചിലർ പോലീസുകാരെ ഭയന്നും സ്വന്തം സുരക്ഷയ്ക്കായി പുറത്തിറങ്ങാതെ വീട്ടിൽ തന്നെ ഇരിക്കുന്ന സമയം. കുറെ മനുഷ്യർ ഇതൊന്നും വകവെക്കാതെ പുറത്തു ചുറ്റി നടന്നു പോലീസുകാരുടെ തല്ലും വാങ്ങുന്നു . ഈ സമൂഹത്തെ കൊറോണ എന്ന വൈറസ്സിൽ നിന്നും രക്ഷിക്കാൻ കുറേപേർ . എന്നാൽ ഇവയൊന്നും കൂട്ടാക്കാതെ വേറെ ചിലർ. എല്ലാവരും ജോലിക്കൊന്നും പോകാതെ കുടുംബങ്ങളുമായി സന്തോഷത്തോടെ വീട്ടിൽ ഇരിക്കുമ്പോൾ, ജോലിയൊന്നും ഇല്ലാതെ വരുമാനം ഒന്നുമില്ലാതെ കഷ്ടപ്പെടുന്ന കുടുംബങ്ങളും സമൂഹത്തിലുണ്ട്. അത്തരം ഒരു കുടുംബമാണ് രാജീവിന്റേത് . ഭാര്യ രാധികയും രണ്ടാം ക്ലാസ്സിൽ പഠിക്കുന്ന മകൻ രാജുവും അടങ്ങുന്ന ഒരു കൊച്ചു കുടുംബമാണ് അയാളുടേത് . വരുമാനം ഇല്ലെങ്കിലും പരസ്പര സ്നേഹത്തോടുകൂടിയാണ് അവർ ജീവിച്ചിരുന്നത്. ജോലി നഷ്ടപ്പെട്ടെങ്കിലും രാജീവ് തന്റെ സുഹൃത്തുക്കളോടൊപ്പം ബസ്‌സ്റ്റോപ് ശുചിയാക്കാനുമൊക്കെയുള്ള ചെറിയ ചെറിയ ആരോഗ്യപ്രവർത്തനങ്ങളിൽ പങ്കുചേരുമായിരുന്നു .പക്ഷെ ആ നാട്ടിൽ ഒരാൾ കോവിഡ് ബാധിച്ചു മരിച്ചു അയാൾ രാജീവിന്റെ ഒരു പരിചയക്കാരനായിരുന്നു . അയാളുമായുള്ള സമ്പർക്കം വഴി രാജീവനും കോവിഡ് ബാധിച്ചു എന്നുള്ള വാർത്ത രാധയും രാജുവും കേൾക്കാ നിടയായി. രാജീവിന് ഇത് സഹിക്കാൻ കഴിഞ്ഞില്ല . രാജുവിന് ഈ ലോക്ക്ഡൗൺ കാലത്തു പോലും അച്ഛനെ അടുത്ത് കിട്ടാത്തതിന്റെ വിഷമം ഉണ്ടായിരുന്നു. ഇപ്പോൾ ആ വാർത്ത കൂടി കേട്ടപ്പോൾ അവൻ ആകെ തളർന്നുപോയി .രാജീവ് മിക്ക ദിവസവും കൂട്ടുകാരോടു കൂടിയാണ് ക്വാറന്റൈനിൽ താമസിച്ചിരുന്നത് .രാധിക മോനെ സമാധാനിപ്പിച്ചു " മോൻ പേടിക്കേണ്ട അച്ഛനൊന്നുമില്ല .കുറച്ചുനാൾ കഴിയുമ്പോൾ അച്ഛൻ തിരിച്ചു വരും കേട്ടോ . മോൻ ദൈവത്തോട് പ്രാർത്ഥിച്ചാൽ മതി ", രാധിക ഇങ്ങനെയൊക്കെ രാജുവിനെ ആശ്വസിപ്പിച്ചെങ്കിലും രാധികയുടെ മനസ്സിൽ കുടുംബത്തിന്റെ അവസ്ഥയോർത്തു ഒരു ചെറിയ ആധിയുണ്ടായിരുന്നു . വന്നു വന്നു അവർ മുഴു പട്ടിണിയിലുമായി . പക്ഷെ പെട്ടന്നൊരു ദിവസം രാജീവന്റെ സുഹൃത്ത് ആന്റണിയും ഭാര്യ റോസിലിയും രാധികയ്ക്കും രാജുവിനും ഭക്ഷണവുമായി രാജീവന്റെ വീട്ടിൽ എത്തി. റോസിലിയും രാധികയും വർത്തമാനം പറഞ്ഞിരുന്നു . രാജുവിന്റെ സങ്കടം മാറ്റുവാനായി ആൻറണി അവന്റെ അടുത്തിരുന്നു . അച്ഛനെക്കുറിച്ച് ഓർത്തപ്പോൾ രാജുവിന്റെ കണ്ണു നിറഞ്ഞു. " അയ്യോ എന്തായിത് ? ആൺകുട്ടികൾ ഇങ്ങനെ കരയാൻ പാടില്ല .നീ നിന്റെ അച്ഛനെ ഓർത്തു വിഷമിക്കുകയല്ല , മറിച്ച് അഭിമാനിക്കുകയാണ് വേണ്ടത് . കുറെ പേര് ഈ രോഗം ബാധിച്ചവരെ രക്ഷിക്കാൻ ശ്രമിക്കുന്നു. അതിൽ പങ്കു കൊള്ളാൻ നിന്റെ അച്ഛനും മനസ്സു കാണിച്ചില്ലേ. അതോർത്ത് അഭിമാനിക്കുകയാണ് വേണ്ടത്. " ആൻറണി പറഞ്ഞു . ഇതു കേട്ടപ്പോൾ രാജുവിന്റെ സങ്കടമൊക്കെ മാറി . അവൻ ആൻറണിയെ കെട്ടിപ്പിടിച്ച് നന്ദി പറഞ്ഞു. ആൻറണിയും റോസിലിയും പോയതിനുശേഷം രാജു അമ്മയുടെ അടുത്ത് ചെന്ന് ചോദിച്ചു. "ദൈവം എന്താ അമ്മേ ഇത്ര ക്രൂരത കാണിക്കുന്നത് ലക്ഷക്കണക്കിന് ആളുകൾ ഈ ലോകത്ത് രോഗം ബാധിച്ച് മരിക്കുന്നതും ദൈവം കാണുന്നില്ലേ"? അപ്പോൾ രാധിക പറഞ്ഞു . " മോനേ എല്ലാ ദുരിതങ്ങൾക്ക് ഇടയിലും ഓരോ നൻമ ഉടലെടുക്കുന്നുണ്ട് . ഈ ലോക്ക്ഡൌൺ കാലം കൊണ്ട് ഈ പ്രകൃതിയിലെ അന്തരീക്ഷ മലിനീകരണം എല്ലാം കുറയും .അങ്ങനെ ഭാവി തലമുറ സുരക്ഷിതമാകും . പിന്നെ ഇപ്പോൾ തന്നെ മനുഷ്യർ തമ്മിലുള്ള പരസ്പര സഹകരണവും പരസ്പര ഐക്യവും മോൻ കാണുന്നില്ലേ ? എല്ലാം ദൈവത്തിന്റെ കളിയാണ് മോനെ. എല്ലാം നല്ലതിന് .ഇനി ആർക്കും ഒന്നും പറ്റാതിരിക്കാൻ ദൈവത്തോട് പ്രാർത്ഥിക്കാം ". അമ്മയുടെ വാക്കുകൾ കേട്ട് അവനു ആശ്വാസമായി .കുറച്ചു നാളുകൾ കഴിഞ്ഞു രാജീവ് അസുഖമെല്ലാം മാറി തിരിച്ചുവന്നു . രാജു ഓടിച്ചെന്ന് അച്ഛനെ കെട്ടിപിടിച്ചു . അവനു സന്തോഷമായി . രാജീവിന് താമസിയതെ പുതിയൊരു ജോലി കിട്ടി. ലോക്ക് ഡൗൺ കഴിഞ്ഞാൽ ജോലിക്ക് പോകാം. പിറ്റേ ദിവസം രാജു അച്ഛനെയും വിളിച്ചുകൊണ്ട് ആരോഗ്യ പ്രവർത്തനത്തിനായി ഇറങ്ങിത്തിരിച്ചു . രാജീവിനെ അത് വളരെയേറെ സന്തോഷിപ്പിച്ചു. പാർവ്വതി എസ്‌ 10എഫ് ഔർ ലേഡീസ് കോൺവെന്റ് ഗേൾസ് എച്ച്.എസ്,. പള്ളുരുത്തി മട്ടാഞ്ചേരി ഉപജില്ല എറണാകുളം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Anilkb തീയ്യതി: 27/ 04/ 2020 >> രചനാവിഭാഗം - കഥ