സൂര്യൻ നേരം പരപരാ വെളുത്തല്ലോ
പക്ഷികൾ കലപില പാട്ടുംപാടി പാടി
മാനത്തൂടെ പറന്നല്ലോ
അങ്കവാലൻ പൂവൻകോഴി
കൊക്കരക്കോ കൂവുമ്പോൾ
തള്ളക്കോഴിയും കുഞ്ഞുങ്ങളും
കൊത്തിക്കൊത്തി നടക്കുന്നു
.കാക്കച്ചാരും നാട്ടുമൈനയും
വിരുന്നുണ്ണാനായ് വന്നല്ലോ
കുഞ്ഞിപ്പൂച്ച കുസൃതികൾ കാട്ടി
പയ്യെപയ്യെ നടക്കുന്നു.
പല വർണത്തിൻ പൂക്കൾ മെല്ലെ
കാറ്റിലാടി രസിക്കുമ്പോൾ
പൂമ്പാറ്റകളും പൂത്തുമ്പികളും
തേൻ കുടിക്കാൻ വന്നല്ലോ .
ആഹാ എന്തൊരു രസമാണ്
കാണാൻ എന്തൊരു രസമാണ്
എത്ര മനോഹര വർണങ്ങൾ
എത്ര മനോഹര ശബ്ദങ്ങൾ
കാറ്റും മഴയും വെയിലുമെല്ലാം
പ്രകൃതി നൽകിയ വരദാനം
