(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
പുഴയൊഴുകും വഴി
നിന്നെ നശിപ്പിക്കും ഞാൻ
ഇന്ന് ഞാൻ ഇവിടെയീ വാകമരച്ചോട്ടിൽ ഇരിക്കുമ്പോൾ
ഇന്നലെ എന്നെ തഴുകിയ പുഴയീ,
കാവിനുള്ളിൽ മരിക്കുമ്പോൾ ,
അറിയാതെ ഉതിരുന്ന അശ്രു നീ തുടയ്ക്കുക ,
ജ്വലിക്കുക നീ നാളേക്ക് വെളിച്ചമായി .
എന്റെ ഏകാന്തതയുടെ കൂട്ടായി
എന്റെ നിഴലായി മാറിയ ,
കൂട്ടുകാരി നിന്നെ ഞാൻ
ദ്രോഹിക്കുന്നു ....
നിന്നെ നശിപ്പിക്കുന്നു ...
ഇന്നലെനീ എന്നിലൂടെ ഒഴുകയും,
ഇന്ന് നീ എന്നിലൂടെ ജ്വലിക്കയും ,
നാളെ നീ എന്നിലൂടെ ജനിക്കയും ,
ചെയ്യുന്ന ഓമനേ,
നിന്നെ ഞാൻ പുഴയെന്നു വിളിക്കുന്നു
ഇന്നിവിടെ നിന്റെ കടവിൽ ,
തോണികൾ ചലിക്കുന്നില്ല
ഇന്നിവിടെ നിന്റെ മാറിൽ ,
നെടും ചൂരികൾ ശയിക്കുന്നില്ലാ
നാളെ നീയൊഴുകിയ വഴിയും മായും
നീ മാഞ്ഞു പോകാൻ ഉതകിയ
ഞാനും മായും. നിന്നെ ഒന്ന് പുണരാൻ ,
നിന്നിൽ ഒന്ന് അലിയാൻ,
എന്നും ഞാൻ കൊതിക്കും
അന്ന് ഞാൻ കരയും
നിനക്കായ് എന്തെങ്കിലും ചെയ്യാമെന്നോർത്ത് !
