(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
ലോക്ക് ഡൗൺ
മനുഷ്യന്റെ ഓട്ടം നിലച്ചിരിക്കുന്നു.
ഒന്നിച്ചു നടന്നൊരു ലോകത്തിന്നവൻ
പുറത്തിറങ്ങാൻ ഭയപ്പെടുന്നു
ഭീതിയുണ്ടിന്നവന് ഭൂമിയെ പ്രഹരമേൽപിച്ചതിൽ
ഇനിയും എത്ര നാൾ എന്നവനറിയില്ല
ധരണി സുഖപ്പെടുവാൻ
അതിർത്തികളുണ്ടാക്കി, മതങ്ങളുണ്ടാക്കി
വർണ ലിംഗ വിവേചനമുണ്ടാക്കി
മായിക ലോകം പടുത്തുയർത്തിയവൻ
വെറും നിഷ്‍പ്രഭനായിന്ന് യാഥാർത്ഥ്യത്തിൻ മുമ്പിൽ
ക്ഷേത്രങ്ങളില്ല ദേവാലയങ്ങളില്ല
ദൈവങ്ങൾ മാത്രം തിരക്കിലാണിന്ന്
തന്റെ ജീവന്റെ അംശം പകുത്തു നൽകുവാൻ
ജനലിലൂടെയിന്നവൻ ലോകത്തെ കാണുമ്പോൾ
പുകമയമില്ലാത്ത ആകാശം കണ്ടവൻ
പാടുന്ന കിളികളും ശുദ്ധമാം വായുവും
ശാന്തമാണീ ലോകം മനുഷ്യരില്ലാതെ
ആടിത്തിമിർത്ത നാളിലൊന്നിലും
ദുർബലനാണെന്ന് അറിഞ്ഞില്ലൊരിക്കലും
ഒരു പരമാണുവിൻ മുന്നിൽ നിസഹായനായിന്ന്
ഊ‍ടുകളിൽ തങ്ങിലോകം ഭരിച്ചവൻ. !
