ഇത് ലോക്ഡൗൺ കാലം ഇത് കൊറോണക്കാലം ഇത് ലോക്ഡൗൺ ലോകം ഇത് കൊറോണ തൻ ലോകം! എന്തിനു വന്നു നീ കൊറോണേ ധരണിയിൽ? ചിന്തിപ്പിക്കാനോ... ഞങ്ങളെ അതോ! പ്രകൃതിയിൽ മർത്യൻ ചെയ്തതാം തെററുകൾ ഓർപ്പിക്കാനോ? വാഹനങ്ങളും ഫാക്ടറികളും വ്യവസായശാലകളും മലിനമാക്കിയതാം പ്രകൃതിയെ ശുചിയാക്കുന്നുവോ നീ. മനുഷ്യർ തിരക്കിലായിരുന്നെപ്പൊഴും ചിന്തിച്ചില്ലൊരിക്കലും ഇങ്ങനൊരു കാലം ഇത് ദെെവത്തിൻ പരീക്ഷണമോ! കരയുന്നു ലോകം. നീറും മനസ്സുമായ് ഞങ്ങളും. പ്രാർത്ഥിക്കാനിപ്പോൾ ദേവാലങ്ങളില്ല ഹൃദയങ്ങളല്ലോ ദേവാലയം ആരോഗ്യപ്രവർത്തകരും,പോലീസുകാരും,സർ- ക്കാരുമെല്ലാം ഞങ്ങൾ തൻ മനങ്ങളിൽ ദൈവങ്ങളും. കൈകൾ കഴുകുന്നു ഇടയ്ക്കിടെ മാസ്കുകൾ ധരിക്കുന്നു. വ്യക്തിശുചിത്വം,പരിസരശുചിത്വം പാലിക്കുന്നു. മററുളളവരിൽ നിന്നകലവും പാലിച്ച് തകർക്കും കൊറോണേ നിന്നെ ഞങ്ങൾ! അതിജീവിക്കും കൊറോണേ ഞങ്ങൾ !
സാങ്കേതിക പരിശോധന - Mohankumar S S തീയ്യതി: 20/ 04/ 2020 >> രചനാവിഭാഗം - കവിത
