22:59, 17 ഏപ്രിൽ 2020-നു ഉണ്ടായിരുന്ന രൂപം സൃഷ്ടിച്ചത്:- Shefeek100(സംവാദം | സംഭാവനകൾ)('{{BoxTop1 | തലക്കെട്ട്=വിഷുപ്പക്ഷി <!-- തലക്കെട്ട്...' താൾ സൃഷ്ടിച്ചിരിക്കുന്നു)
(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
വിഷുപ്പക്ഷി
കുട്ടുകാരേ, നിങ്ങൾ വിഷുപ്പക്ഷിയെ കണ്ടിട്ടുണ്ടോ? ചക്കയ്ക്കുപ്പുണ്ടോ കുയിൽ, വിഷുപ്പക്ഷി, അച്ഛൻ കൊമ്പത്ത്, ഉത്തരായനക്കിളി, കതിരു കാണാക്കിളി തുടങ്ങി പല പ്രദേശങ്ങളിൽ പല പേരുകളിൽ അറിയപ്പെടുന്ന പക്ഷിയാണിത്.
വിഷുകാലമാകുമ്പോഴാണ് ഈ കിളിയുടെ ഗംഭീര ശബ്ദം കേട്ടു തുടങ്ങുന്നത്. അതിനാലാണ് ഈ പക്ഷിയെ വിഷുപ്പക്ഷിയെന്ന് വിളിക്കുന്നത്. പ്ലാവുകളിൽ ചക്ക വിളയുന്ന കാലമാകുമ്പോൾ ചക്കയ്ക്കുപ്പുണ്ടോ എന്ന ശബ്ദവുമായാണത്രേ ഈ പക്ഷികൾ വരാറുള്ളത്. വളരെ ഉയരമുള്ള മരത്തിന്റെ അറ്റത്തുള്ള ഇലകൂട്ടത്തിനിടയിൽ ഒളിഞ്ഞിരുന്നാണ് ഇവ ഇങ്ങനെ പാടുന്നത്. അതു കൊണ്ട് തന്നെ ഈ പാട്ട് വളരെ ദൂരത്തേക്ക് കേൾക്കാനും കഴിയും. വിഷുപ്പക്ഷിയുടെ ശരീരം ഷിക്ര കുയിലിനോടും സഞ്ചാര രീതിയിൽ പ്രാപ്പിടിയൻമാരോടും വളരെ സാമ്യമുണ്ട്.ഇതിന്റെ മുകൾഭാഗവും പുറവും ചിറകുകളും വാലുമെല്ലാം കരിമ്പിച്ച ചാരനിറമാണ്. മാറിന് താഴെ വെള്ള നിറമുണ്ട്. ഈ ഭാഗത്ത് കുറെ കറുത്ത പൊട്ടുകൾ ദേഹത്തിന് വിലങ്ങനെ കാണാം. ആൺപക്ഷിയും പെൺപക്ഷിയും ഒരു പോലെ ഇരിക്കും. പെൺപക്ഷിയുടെ കഴുത്തിന് ചെറിയ ചാരനിറമാണ്. നെഞ്ചിലും വാലിലും കൂടുതലും തവിട്ട് നിറമായിരിക്കും.
