ഇന്നലെ ഇന്നലെകളിൽ ഞാൻ സന്തുഷ്ടയായിരുന്നു. മേനിയിലൊരു ഹരിതമ്പളമണിഞ്ഞ കുളിർമ. എൻെറ ശ്വാസത്തിൽ സുമസുഗന്ധ വാസന. എൻെറ മനസിൽ ആകാശനീലിമയുടെ സാന്ത്വനം. ഞാൻ കുളിർതെന്നലിൽ സന്തോഷവതിയും. ഇന്ന് ഇന്നുകളെന്നെ അസ്വസ്ഥപ്പെടുത്തുന്നു, എൻെറ മേനിയാകെ വരൾച്ചയിൽ മൂടി. എൻെറ ശ്വാസത്തിൽ ദുർഗന്ധം, എൻെറയുളളം കീറിമുറിച്ചീ വിളളലുകള്, ഞാനീ ചൂടിനാൽ നെടുവീർപ്പെടുന്നു. നാളെ നാളെയീ ഞാനുണ്ടാകുമോ? നിങ്ങളെന്നെ സംരക്ഷിക്കുമോ? നിങ്ങളെന്നെ തുടച്ചുനീക്കുമോ? നിങ്ങളെ എനിക്ക് ഭയമാണ്... എൻെറ നിലനിൽപ് നിങ്ങളുടെ വെല്ലുവിളി! ഞാൻ നിങ്ങളുടെ പ്രക്യതി... ഇന്നും എന്നും എപ്പോഴും നിലനിൽക്കേണ്ടവൾ.....
