G. B. L. P. S Heroor

G. B. L. P. S Heroor
സ്കൂൾ ചിത്രം
Established	1937
School Code	11203
Place	ಹೇರೂರು
Address	ಸರಕಾರಿ ಬುನಾದಿ ಕಿರಿಯ ಪ್ರಾಥಮಿಕ ಶಾಲೆ ಹೇರೂರು, ಪಾಚಾಣಿ, ಹೇರೂರು (ಅಂಚೆ & ಗ್ರಾಮ), ಕಾಸರಗೋಡು ಜಿಲ್ಲೆ, ಕೇರಳ
PIN Code	671324
School Phone	04998 262032
School Email	11203gblpsheroor@gmail.com
Web Site	www.11203gblpsheroor.blogspot.in
District	ಕಾಸರಗೋಡು
Educational District	ಕಾಸರಗೋಡು
Sub District	ಮಂಜೇಶ್ವರ ‌
Catogery	ಸರಕಾರಿ
Type	General
Sections	1 - 4
Medium	ಕನ್ನಡ ಮತ್ತು ಮಲಯಾಳಂ
No of Boys	16
No of Girls	13
Total Students	29
No of Teachers	4
Principal
Head Master	ಗೀತ.ಕೆ
P.T.A. President	ಅಬೂಬಕ್ಕರ್ ಸಿದ್ದಿಕ್
പ്രോജക്ടുകൾ
E-Vidhyarangam	Help
25/ 01/ 2017 ന് 11203 ഈ താളിൽ അവസാനമായി മാറ്റം വരുത്തി

അക്ഷരവൃക്ഷം

സഹായം

SCHOOL HISTORY | ಶಾಲೆಯ ಇತಿಹಾಸ

ಉತ್ತಮ ಹಾಗೂ ಗುಣಮಟ್ಟದ ವಿದ್ಯಾಭ್ಯಾಸವನ್ನು ಲಕ್ಶ್ಯವನ್ನಾಗಿರಿಸಿಕೊಂಡು 1937 ರಲ್ಲಿ ಹೇರೂರು ಸರಕಾರಿ ಬುನಾದಿ ಕಿರಿಯ ಪ್ರಾಥಮಿಕ ಶಾಲೆಯು ವಿದ್ಯಾದಾನವನ್ನು ಆರಂಭಿಸಿತು. ಕಾಸರಗೋಡು, ಮಂಗಲ್ಪಾಡಿ ಗ್ರಾಮ ಪಂಚಾಯತಿನ ಹೇರೂರು ಎಂಬ ಹಚ್ಚ ಹಸುರಿನಿಂದ ಕಂಗೊಳಿಸುವ ಬಯಲುಗಳಿಂದ ಕೂಡಿದ ಗ್ರಾಮ ಪ್ರದೇಶದಲ್ಲಿ ಶಾಲೆಯು ತಲೆಯೆತ್ತಿ ನಿಂತಿದೆ. ಶಾಲಾ ಸಂಕೀರ್ಣವು 1.62 ಎಕ್ರೆ ಭೂಭಾಗದಲ್ಲಿ ಕಟ್ಟಲ್ಪಟ್ಟಿದೆ. ಅರಂಭದಲ್ಲಿ ಇದು ಹೇರೂರು ಬಟ್ಟುಂನ್ಹಿ ಭಂಡಾರಿ ಯವರು ಉದಾರ ಚಿತ್ತದಿಂದ ದಾನವಾಗಿ ಲಭಿಸಿದ ಸ್ಠಳದಲ್ಲಿ ಆರಂಭಗೊಂಡಿತು. 25.7.1970 ರಲ್ಲಿ ಹೊಸ ಕಟ್ಟಡವು ನಿರ್ಮಾಣಗೊಂಡು ಕಾರ್ಯಾಚರಿಸುತ್ತಿದೆ. ವಾಹನ ಸೌಕರ್ಯ ಕಡಿಮೆಯಿರುವ ಗ್ರಾಮ ಪ್ರದೇಶವಾಗಿರುತ್ತದೆ ಹೇರೂರು. 1ರಿಂದ 4ನೇ ತರಗತಿಯವರೆಗೆ ಕನ್ನಡ ಮತ್ತು ಮಲಯಾಳಂ ತರಗತಿಗಳಿವೆ. ಶಾಲೆಯಲ್ಲಿನ ನುರಿತ ಶಿಕ್ಷಕರು ಶಾಲೆಯ ಎಲ್ಲ ಕಲಿಕಾ ಕಲಿಕೇತರ ಚಟುವಟಿಕೆಗಳ ಚುಕ್ಕಾಣಿ ಹಿಡಿದು ಮುಂದುವರಿಯುತ್ತಿದ್ದಾರೆ. ಮಕ್ಕಳ ಸ್ವಾಭಾವಿಕ ಬೆಳವಣಿಗೆಗೆ ಶಾಲೆಯು ಎಲ್ಲ ರೀತಿಯಿಂದಲೂ ಪ್ರಯತ್ನಿಸುತ್ತಿದೆ. ಮಕ್ಕಳ ಬೌತ್ತಿಕ ಮತ್ತು ಶಾರೀರಿಕ ಬೆಳವಣಿಗೆಯೊಂದಿಗೆ ಮೌಲ್ಯಾಧಾರಿತ ಶಿಕ್ಷಣ ನೀಡುವುದೇ ಶಾಲೆಯ ಲಕ್ಶ್ಯವಾಗಿರುತ್ತದೆ.

INFRASTRUCTURE | ಭೌತಿಕ ಸೌಕರ್ಯಗಳು

ಸುಮಾರು 1.62 ಎಕ್ರೆ ಸ್ಥಳಾವಕಾಶದಲ್ಲಿ ಸಂಸ್ಥೆಯು ಸ್ಥಾಪನೆಗೊಂಡಿದ್ದು ನಾಲ್ಕು ತರಗತಿ ಕೋಣೆಗಳು ಮತ್ತು ಒಂದು ಆಫೀಸ್ ಕೋಣೆಯನ್ನು ಒಳಗೊಂಡಿದೆ. ಮಕ್ಕಳಿಗೆ ಅಗತ್ಯವಿರುವಷ್ಟು ಆಸನದ ವ್ಯವಸ್ಥೆ ಇದೆ. ನೂತನವಾದ ಸುಸಜ್ಜಿತವಾದ ಅಡುಗೆ ಕೋಣೆ ಮತ್ತು ಡೈನಿಂಗ್ ಹಾಲ್ ನಿರ್ಮಾಣಗೊಂದಿರುತ್ತದೆ. ಮಕ್ಕಳ ಜೈವ ತರಕಾರಿ ಕೃಷಿ ತೋಟ ಊರವರ ಪ್ರಶಂಸೆಗೆ ಪಾತ್ರವಾಗಿದೆ. ಶುದ್ಧ ಕುಡಿಯುವ ನೀರಿನ ಪೂರೈಕೆಗಾಗಿ ಕೊಳವೆ ಬಾವಿಯಿಂದ ಪಂಪ್ ಗಳ ಮೂಲಕ ಟ್ಯಾಂಕಿಗಳಿಗೆ ನೀರು ತುಂಬಿಸುವ ವ್ಯವಸ್ಥೆ ಇದೆ. ತರಗತಿಗಳಲ್ಲಿ ದಿನನಿತ್ಯ ಕುದಿಸಿದ ಕುಡಿನೀರು ವ್ಯವಸ್ಥೆ ಮಾಡಲಾಗುತ್ತದೆ. ಗಂಡು, ಹೆಣ್ಣು ಮಕ್ಕಳಿಗೆ ಪ್ರತ್ಯೇಕವಾದ ಮೂತ್ರದೊಡ್ಡಿ, ಶೌಚಾಲಯದ ವ್ಯವಸ್ಥೆ ಕಲ್ಪಿಸಲಾಗಿದೆ. ಮುಂದಿನ ವರ್ಷಗಳಲ್ಲಿ ಹೆಚ್ಚಿವರಿ ಕಟ್ಟಡ, ಸ್ಮಾರ್ಟ್ ಕ್ಲಾಸ್ ನಿರ್ಮಾಣ ಆಗಬೇಕಾಗಿದೆ. ಶಾಲೆಗೆ ಒಂದು ಸುಂದರ ಆವರಣ ಗೋಡೆ ಮತ್ತು ಆಟದ ಮೈದಾನದ ಅಗತ್ಯ ಇದೆ. ಶಾಲೆ ಸಂಪೂರ್ಣ ವಿದ್ಯುತೀಕರಣಗೊಂಡಿದೆ. ಕಂಪ್ಯೂಟರ್ ಶಿಕ್ಷಣವನ್ನು ಫಲಪ್ರದವಾಗಿ ನಡೆಸಲು ಪ್ರತೀ ತರಗತಿಗಳಲ್ಲೂ ಕಂಪ್ಯೂಟರ್ ಗಳಿದ್ದು ಅಂತರ್ ಜಾಲ ವ್ಯವಸ್ಥೆ ಮತ್ತು ದೂರವಾಣಿ ಸಂಪರ್ಕ ಇದೆ. ಅತ್ಯಾಧುನಿಕ DLP ಮತ್ತು OHP ಪ್ರೊಜೆಕ್ಟರ್ ಗಳು, ಇತರ ಅಗತ್ಯ ಕಂಪ್ಯೂಟರ್ ಪರಿಕರಗಳು ಶಾಲೆಯಲ್ಲಿವೆ. ಸುಮಾರು 7500 ಕ್ಕೂ ಮಿಕ್ಕಿ ಪುಸ್ತಕಗಳು ಶಾಲಾ ಗ್ರಂಥಾಲಯದಲ್ಲಿವೆ, ಪುಟ್ಟ ವಿಜ್ಞಾನ ಲ್ಯಾಬ್ ಕೂಡ ವ್ಯವಸ್ಥಿತಗೊಂಡಿದೆ.

CO-CURRICULAR ACTIVITIES | ಪಾಠ್ಯೇತರ ಚಟುವಟಿಕೆಗಳು

ಪ್ರತೀ ದಿನ ಶಾಲಾ ಅಸೆಂಬ್ಲಿಯೊಂದಿಗೆ ಚಟುವಟಿಕೆಗಳು ಆರಂಭವಾಗುತ್ತವೆ. ಅಸೆಂಬ್ಲಿಯಲ್ಲಿ ಕನ್ನಡ, ಮಲಯಾಳಂ,ಇಂಗ್ಲಿಷ್ ವಾರ್ತೆ ಓದಿಸುವುದು, ನುಡಿಮುತ್ತು ಹೇಳುವುದು, ಮಹಾಕವಿಗಳ ಜನ್ಮದಿನದಂದು ಅವರ ಕಿರು ಪರಿಚಯ ಮುಂತಾದ ಚಟುವಟಿಕೆಯನ್ನು ನಡೆಸಲಾಗುತ್ತದೆ. ಮಕ್ಕಳಿಗೆ ದೈಹಿಕ ಶಿಕ್ಷಣ, ಕಲೆ, ಸಂಗೀತ, ವೃತ್ತಿ ಪರಿಚಯದ ಅಭ್ಯಾಸವನ್ನು ನೀಡುವುದರೊಂದಿಗೆ ಕಲೋತ್ಸವ, ಮೇಳಗಳಿಗೆ ಮಕ್ಕಳಿಗೆ ತರಬೇತಿ ನೀಡಲಾಗುತ್ತದೆ. ಪ್ರತೀ ದಿನ ಬಿಡುವಿನ ವೇಳೆಯಲ್ಲಿ IT ತರಬೇತಿಗಳು, ಇಂಟರ್ ನೆಟ್ ತರಬೇತಿಗಳು ಒಳಗೊಂಡಂತೆ ಕಂಪ್ಯೂಟರ್ ಶಿಕ್ಷಣ ನೀಡಲಾಗಿತ್ತದೆ. ವಾರದಲ್ಲೊಮ್ಮೆ ಲೈಬ್ರರಿ ಪುಸ್ತಕಗಳನ್ನು ನೀಡಿ ಮಕ್ಕಳ ಜ್ಞಾನ ಭಂಡಾರ ಹೆಚಿಸಲು ಅಸ್ವಾದನಾ ಟಿಪ್ಪಣಿಗಳನ್ನು ಬರೆಯಲು ಅವಕಾಶ ನೀಡಲಾಗುತ್ತದೆ. ಕಲಿಕೆಯೊಂದಿಗೆ ಆರೋಗ್ಯದ ಬಗ್ಗೆ ಜನ ಜಾಗ್ರತಿ ಕಾರ್ಯಕ್ರಮಗಳು, ಮನೆ ಸಂದರ್ಶನಗಳು, ಶಾಲಾ ಹೂದೋಟ ನಿರ್ಮಾಣ, ಪರಿಸರ ಜನ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದು. ಹಸಿರು ಕ್ಲಬ್ ವತಿಯಿಂದ ಶಾಲಾ ಹಿತ್ತಿಲಲ್ಲಿ ಜೈವ ಕೃಷಿ ಮಾಡುವುದರೊಂದಿಗೆ ಮಕ್ಕಳಿಗೆ ಕೃಷಿ ಪಾಠವನ್ನು ಹೇಳಿಕೊಟ್ಟು ಸ್ವಾವಲಂಬಿಗಳಾಗಲು ಪ್ರೆರೇಪಿಸಲಾಗುತ್ತದೆ. ಪ್ರಕೃತಿ ಕಲಿಕಾ ಕ್ಯಾಂಪ್, ಶಾಲಾ ಶೈಕ್ಷಣಿಕ ಯಾತ್ರೆ, ಇಂಗ್ಲಿಷ್ ಎನ್ರಿಚ್'ಮೆಂಟ್ ಕಾರ್ಯಕ್ರಮಗಳನ್ನು ಕೂಡ ನಡೆಸಲಾಗುತ್ತದೆ.

MANAGEMENT | ಆಡಳಿತ ವರ್ಗ

ಸಂಸ್ಥೆಯು ಸರಕಾರಿ ಶಾಲೆಯಾಗಿದ್ದು ಮಂಜೇಶ್ವರ ಉಪ ಜಿಲ್ಲೆಯ ಸಹ-ಶಿಕ್ಷಣಾಧಿಕಾರಿಯ ಪರಿಧಿಗೊಳಪಟ್ಟಿದೆ.

 

WAY TO REACH SCHOOL | ಶಾಲೆಗೆ ತಲುಪಲು ದಾರಿ

ಕಾಸರಗೋಡಿನಿಂದ ಮಂಗಳೂರು ದಾರಿಯಲ್ಲಿ (NH 66, ಈ ಮೊದಲು NH 17) ಬಂದ್ಯೋಡು ನಿಂದ ಬಿ.ಸಿ ರೋಡ್ ಮೂಲಕ 10 ಕಿ.ಮೀ ದೂರದ ಪಾಚಾಣಿ ಎಂಬಲ್ಲಿದೆ.