എസ് പി സി

നമ്മുടെ സ്കൂളിൽ സ്റ്റുഡന്റ് പോലീസ് കേഡറ്റ് പദ്ധതി ആരംഭിച്ചത് 17 സെപ്തംബർ 2021 നാണ്. ഇതിൽ 44 കുട്ടികളാണ് അംഗങ്ങളായിട്ടുള്ളത്. 22 ആൺകുട്ടികളും 22പെൺകുട്ടികളുമാണുള്ളത്. ശ്രീ അമിത്ത് കെ കമ്മ്യൂണിറ്റി പോലീസ് ഓഫീസർ, ശ്രീമതി വന്ദന അഡീഷണൽ കമ്മ്യൂണിറ്റി പോലീസ് ഓഫീസർ.

എസ് പി സി ഉദ്ഘാടനം

ലിറ്റിൽ കൈറ്റ്സ്

2018-20 ലാണ് നമ്മുടെ സ്കൂളിൽ ലിറ്റിൽ കൈറ്റ്സ് യൂണിറ്റ് ആരംഭിച്ചത്. സംസ്ഥാന തലത്തിൽ നടത്തുന്ന അഭിരുചി പരീക്ഷയുടെ അടിസ്ഥാനത്തിലാണ് കുട്ടികളെ തിരഞ്ഞെടുക്കുന്നത്. 9, 10 ക്ളാസ്സുകളിലായി 33 കുട്ടികൾ വീതം യൂണിറ്റിലുണ്ട്. ശ്രീമതി സുഷമ ബി, ശ്രീമതി പ്രസീത വി കെ എന്നിവർക്കാണ് കൈറ്റ് മാസ്റ്റർ / മിസ്ട്രസ് ചുമതല. കുട്ടികൾക്ക് കമ്പ്യൂട്ടറിൽ നല്ലൊരു അവബോധം സൃഷ്ടിക്കാൻ ഈ യൂണിറ്റിന് കഴിയുന്നുണ്ട്. ആനിമേഷൻ, റോബോട്ടിക്സ്, പ്രോഗ്രാമിങ് തുടങ്ങിയ മേഖലകളിൽ കുട്ടികൾക്ക് വളരെ അധികം അറിവ് ലഭിക്കുന്നു.

ആദ്യ ക്ലാസ്സ്

ലിറ്റിൽ കൈറ്റ്സ് ഓറിയന്റേഷൻ ക്ലാസ്സ്

നേർക്കാഴ്ച

യുപി

ഹൈസ്ക്കൂൾ

വിജയത്തിളക്കവുമായി അഴീക്കോട് എച്ച് എസ് എസ്

2൦19-20 അധ്യേന വർഷത്തിൽ മികച്ച വിജയം കൈവരിച്ച് അഴീക്കോട് എച്ച് എസ് എസ്.

എസ് എസ് എൽ സി 98% വിജയം .
ഇംഗ്ലീഷ് മീഡിയം 100% വിജയം.
34 കുട്ടികൾക്ക് ഫുൾ എ പ്ലസ്.
16 കുട്ടികൾക്ക് 9 എ പ്ലസ് .

2017-18 അധ്യേന വർഷത്തിൽ മികച്ച വിജയം കൈവരിച്ച് അഴീക്കോട് എച്ച് എസ് എസ്.

എസ് എസ് എൽ സി 97% വിജയം .
ഇംഗ്ലീഷ് മീഡിയം 99% വിജയം.
15 കുട്ടികൾക്ക് ഫുൾ എ പ്ലസ്.
19 കുട്ടികൾക്ക് 9 എ പ്ലസ് .

ഉന്നതവിജയം നേടിയവർക്കുള്ള സമ്മാനദാന ചടങ്ങ്.

നല്ല പാഠം ക്ലബ്ബ്

നല്ലപാഠം ക്ളബ്ബിൽ ഏകദേശം 300 ഓളം കുച്ചികൾ ഉണ്ട്. 3 വാട്സ് ആപ്പ് ഗ്രൂപ്പുകളിലൂടെ ധാരാളം പരിപാടികൾ സംഘടിപ്പിക്കുന്നുണ്ട്. അതിനു പുറമേ ലയം, ഭരതം എന്നീ ഗ്രൂപ്പുകളിലൂടെ ഓൺലൈനായി കലാമണ്ഡലം ബിന്ദു മാരാർ ക്ളാസ്സിക്കൽ നൃത്തങ്ങൾ പഠിപ്പിച്ചു. കൺവീനർമാർ ശ്രീ എം മധുസൂധനൻ, ശ്രീ രാജേഷ് വാര്യർ. തുടർച്ചയായി 6 വർഷം ജില്ലാതലത്തിൽ നല്ലപാഠം പുരസ്കാരങ്ങൾ നേടിയിട്ടുണ്ട്.

.പച്ചക്കറി വിളവെടുപ്പ്

സ്വാന്ത്ര്യ ദിനം

സ്വാന്ത്ര ദിനത്തിന്റെ ഭാഗമായി നടന്ന പതാക ഉയർത്തൽ ചടങ്ങിൽ നിന്ന്.

വർക്ക് എക്പ്പീരിയൻസ്

വർഷത്തെ വർക്ക് എക്പ്പീരിയൻസ് മേള നടത്തി. | വർക്ക് എക്പ്പീരിയൻസ് മേള

സിവിൽ സർവ്വീസ് ക്ലാസ്സ്

ചാലഞ്ച് ടാലന്റ് ടേബിൾ 2018-19 വർഷം പുതുതായി ഒരു പ്രോജക്ക്റ്റ് കൂടി നടപ്പിൽവരുന്നതാണ് . സിവിൽ സർവ്വീസ് ഫൗണ്ടേഷൻ കോഴ്സ് . സിവിൽ സർവ്വീസ് പരീക്ഷയെക്കുറിച്ച് ബോധ്യമാക്കുകയും നേരത്തെ തന്നെ ഐഎഎസ്,എപിഎസ് സ്ഥാനങ്ങൾക്കായി പരിശീലനം തുടങ്ങാനും കുട്ടികളെ പ്രേരിപ്പിക്കുകയാണ് ഉദ്ദേശ്യം . എന്റ്രൻസ് ടെസ്റ്റ് വഴി 100കുട്ടികളെ കണ്ടെത്തിയാണ് പരിശീലനം നൽകുന്നത് .ചാലഞ്ച് ടാലന്റ് ടേബിൾ ആണ് പദ്ധതി പ്രമോട്ട് ചെയ്യുന്നത്. പ്രമുഖരായ ഉദ്യോഗസ്ഥരാണ് ക്ലാസ്സെടുക്കാൻ സ്ക്കൂളിലെത്തുന്നത്. നമ്മുടെ സംസ്ഥാനത്തിൽ ഏതാനം സ്ക്കൂളുകളിൽ മാത്രം നടക്കുന്ന സിവിൽ സർവ്വീസ് ഫൗണ്ടേഷൻ ക്ലാസ്സ് അഴീക്കോട് എച്ച് എസ്സ് എസ്സിലും ആരംഭിച്ചു. ഇതിലൂടെ കുട്ടികളുടെ വ്യക്തിത്വ വികസനത്തിനും അറിവ് വർദ്ധിപ്പികുവാനും സാധിക്കും.

കായികം

അഴീക്കോട് ഹയർസെക്കഡറി സ്ക്കൂൾ പാപ്പിനിശ്ശേരി ഉപജില്ല ഗെയിംസിൽ പതിനാലു വയസ്സിൽ താഴെയുള്ള കുട്ടികളുടെ ഫുട്ബോൾ മത്സരത്തിൽ ചാമ്പിയന്മമാരായി.

അഴീക്കോട് എച്ച് എസ്സ് എസ്സ് ഫുട്ബോൾ ടീം
നടന്ന ഘോഷയാത്രയുടെ തുടക്കം
ലോകകപ്പോട്അനുബന്ധിച്ച് നടന്ന റാലി
ഉപജില്ലാ കായികമേളയിൽ നമ്മുടെ വിദ്യാലയത്തിന് മികച്ചനേട്ടം .

സൈബർ സുരക്ഷ ബോധവത്കരണ പരമ്പര

സൈബർ സുരക്ഷ ബോധവത്കരണ പരമ്പരയിൽ അതിഥിയായി എത്തിയ സഞ്ജയ് കുമാർ ഗുരുഡിൻ ഐ പി

24/01/2019 സൈബർ സുരക്ഷ ബോധവത്കരണവുമായി ബന്ധപ്പെട്ട് നടന്ന ക്ലാസ്സ്

ട്രാഫിക്ക് ക്ലബ്ബ്

ട്രാഫിക്ക് ക്ലബ്ബിന്റെ ആഭിമുഖ്യത്തിൽ നടന്ന ട്രാഫിക്ക് ബോധവൽകരണ ക്ലാസ് നടന്നു.

ഗണിത ക്ളബ്ബ്

ഗണിത ക്ളബ്ബിൽ 300 അംഗങ്ങൾ ഉണ്ട്. ക്ളബ്ബിന്റെ ആഭിമുഖ്യത്തിൽ റുബിക്സ് ക്യൂബ് അടക്കം വിവധ തരം ക്യൂബുകൾ സെറ്റ് ചെയ്യാൻ പഠിപ്പിക്കുന്നതിനും , സ്പീഡ് മാത്‍സ് വേഗത്തിൽ കണക്ക് കൂട്ടലുകൾ നടത്തുന്ന ഒരു ഗ്രൂപ്പും ,ഗണിത ചാർട്ടുകൾ വരക്കുന്ന ഒരു ഗ്രൂപ്പും നിലവിലുണ്ട്. കഴിഞ്ഞ ലോക്ഡൗൺ മുതൽ ഇതുവരെ 900-ൽ അധികം ചിത്രങ്ങൾ കുട്ടികൾ വരച്ചിട്ടുണ്ട്.

ആർട്സ് ക്ളബ്ബ്

അഴീക്കോട് ഹയർ സെക്കൻഡറി സ്കൂൾ ഫൈൻ ആർസ് ക്ളബ്ബ് കോഡിനേറ്റർ രാജീവൻ പാറയിൽ. 115 അംഗങ്ങളാണ് ഉള്ളത്. കുട്ടികളുടെ കലാ പഠനത്തിന് ആർട്ട് ലാബ് സജ്ജീകരിച്ചു. കണ്ണൂരിൽ മോഹൻ ചാലാട് ആർട്ട് ഗ്യാലറിയിൽ വെച്ച് കുട്ടികളുടെ ചിത്ര പ്രദർശനവും ചിത്ര വിൽപ്പനയും നടത്തി മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകി. ചിത്ര രചനാ മത്സരങ്ങളും, ക്യാമ്പുകളും നടത്തി.

മീഡിയാ ക്ളബ്ബ്

അഴീക്കോട് ഹയർ സെക്കൻഡറി സ്കൂളിൽ മീഡിയാ ക്ളബ്ബിന്റെ നേതൃത്വത്തിൽ എല്ലാ ദിവസവും വാർത്താ അവതരണം (വീഡിയോ) നടത്തി വരുന്നു. വിദ്യാർത്ഥികൾ തന്നെ ന്യൂസ് റിപ്പോർട്ടർമാരായും, അവതാരകരായും, എഡിറ്റർമാരായും പ്രവർത്തിച്ചു വരുന്നു. ദിവസവും രാവിലെ എല്ലാ ക്ളാസ്സുകളിലെ വാട്സ് ആപ്പ് ഗ്രൂപ്പുകളിൽ ഈ വാർത്താ അവതരണം എത്തിച്ചേരുന്നു. ഈ വർഷം ത്രോ ബാക്ക് 2021 എന്ന പേരിൽ ആ വർഷത്തെ പ്രധാന വാർത്താ സംഭവങ്ങളെ ആസ്പദമാക്കി ഒരു ചാർട്ട് പ്രദർശനം സംഘടിപ്പിച്ചു. 20 വിദ്യാർത്ഥികൾ അംഗങ്ങളായിട്ടുള്ള ക്ളബ്ബിന്റെ കൺവീനർ ശ്രീമതി സന്ധ്യ.

വിദ്യാരംഗം

2020-21 അധ്യയന വർഷത്തെ അഴീക്കോട് ഹയർ സെക്കൻഡറി സ്കൂൾ വിദ്യാരംഗം കലാസാഹിത്യ വേദിയിൽ 200 അംഗങ്ങൾ ജൂൺ 19 വായനാ ദിനത്തോടെയാണ് ഈ വർഷത്തെ വിദ്യാരംഗം കലാ സാഹിത്യ വേദിയുടെ പരിപാടികൾക്ക് തുടക്കം കുറിച്ചത്. ശ്രീമതി ഷമ്യ ആണ് കൺവീനർ. സ്വാതന്ത്ര്യ ദിന പരിപാടികളും, ഓണാഘോഷപ്പരിപാടികളും നടത്തിയിരുന്നു. കൂടാതെ ഓരോ മാസവും വിദ്യാരംഗം ക്ളബ്ബ് ദിനാചരണങ്ങളും നടത്തി.

പരിസ്ഥിതി ദിനാചരണം

പരിസ്ഥിതി ദിനത്തോടനുബന്ധിച്ച് കൂറെ പരിപാടികൾ നടന്നു അതിൽ കുട്ടികൾ വരച്ച കുറച്ചു പോസ്റ്ററുകൾ.

ജെ ആർ സി

2015-16 അധ്യയന വർഷമാണ് നമ്മുടെ വിദ്യാലയത്തിൽ ജെ ആർ സി യൂണിറ്റ് പ്രവർത്തനം ആരംഭിച്ചത്. ഓരോ വർഷവും 8-ാം തരത്തിലെ 20 കുട്ടികൾക്കാണ് യൂണിറ്റിൽ അംഗത്വം നൽകി വരുന്നത്. നിലവിൽ 60 കേഡറ്റുകൾ ഉൾപ്പെട്ടതാണ് നമ്മുടെ യൂണിറ്റ്. യൂണിറ്റ് കൗൺസിലറായി ശ്രീ പി എം കൃഷ്ണപ്രഭ ആണ് ചുമതല നിർവ്വഹിച്ച് വരുന്നത്. നിരവധി മാതൃകാപരമായ പ്രവർത്തനങ്ങൾ യൂണിറ്റിന്റെ നേതൃത്വത്തിൽ നടന്നു വരുന്നു. നമ്മുടെ വിദ്യാലയത്തിലെ മുഴുവൻ കുട്ടികളുടേയും രക്തഗ്രൂപ്പ് ഡയറക്ടറി പ്രകാശനം, അവശത അനുഭവിക്കുന്ന കുട്ടികൾക്കായി സഹപാഠികളുടെ സാന്ത്വനം, ജീവകാരുണ്യ പ്രവർത്തനങ്ങൾ, ലഹരി വിരുദ്ധ പരിപാടികൾ തുടങ്ങിയവ ശ്രദ്ദേയമാണ്.

രക്തഗ്രൂപ്പ് ഡയറക്ടറി ജെ ആർ സിയുടെ നേതൃത്വത്തിൽ രക്തഗ്രൂപ്പ് ഡയറക്ടറി തയ്യാറാക്കി.ജില്ല ഉപമേധാവി പ്രകാശനം ചെയ്തു.

പാമ്പുകളുടെ ലോകവും പ്രഥമ സുശ്രൂഷയും

ഓഖി

അഴീക്കോട് എച്ച് എസ് എസ് ഓഖി ദുരിതാശ്വാസ നിധിയിലേക്ക് സംഭാവന ചെയ്തു.

മാതൃഭൂമി സീഡ്

സീഡ് ക്ലബിന്റെ നേതൃത്വത്തിൽ സ്ക്കൂളിൽ നിരവധി പരിപാടികൾ നടന്നു വരുന്നുണ്ട് . കൃഷി ആരോഗ്യം ഊർജ്ജ-സംരക്ഷണം എന്നീ മേഖലകളിൽ വ്യത്യസ്ത പരിപാടികൾ ആസൂത്രണം ചെയ്ത് നടപ്പിലാക്കുന്നുണ്ട് .

യോഗ ദിനം

യോഗ ദിനത്തോടനുബന്ധിച്ച് കുട്ടികളുടെ യോഗ പ്രദർശനം നടത്തി.

എൻ സി സി

അഴീക്കോട് ഹയർ സെക്കന്ററി സ്കൂളിൽ എൻ സി സി യുടെ ജൂനിയർ ഡിവിഷനാണ് പ്രവർത്തിക്കുന്നത്. ഏകദേശം 35 വർഷത്തോളമായി എൻ സി സി യുടെ 31(K) ബറ്റാലിയന്റെ കീഴിലാണ് പ്രവർത്തിക്കുന്നത്. ഇപ്പോൾ എൻ സി സി ഗ്രൂപ്പിൽ 95 കേഡറ്റ‍ുകൾ ജെ ഡി (Junior Division Boys), ജെ ഡബ്ല‍ു (Junior Wing Girls) വിഭാഗത്തിലുണ്ട്. കഴിഞ്ഞ കുറേ വർഷങ്ങളിൽ ഡൽഹിയിലെ റിപ്പബ്ളിക്ക് പരേഡിൽ പങ്കെടുക്കാൻ നമ്മുടെ എൻ സി സി കേഡറ്റുകൾക്ക് അവസരം ലഭിച്ചിട്ടുണ്ട്. കണ്ണ‍ൂരിൽ നടക്കുന്ന സ്വാതന്ത്ര്യ ദിന പരേഡിലും, റിപ്പബ്ളിക് ദിന പരേഡിലും പങ്കെടുക്കാൻ നമ്മുടെ സ്കൂളിലെ എൻ സി സി കേഡറ്റുകൾക്ക് എല്ലാ വർഷവും അവസരം ലഭിക്കാറുണ്ട്.

ലഹരി വിരുദ്ധ റാലി

വിവിധതരത്തിലുള്ള ലഹരി പദാർത്ഥങ്ങൾ ഉപയോഗിക്കുന്ന കുട്ടികളുടെ എണ്ണം കഴിഞ്ഞ അഞ്ചുവർഷത്തിനിടയിൽ ഗണ്യമായ രീതിയിൽ കൂടിയുണ്ടെന്നാണ് പഠനങ്ങൾ തെളിയിക്കുന്നത്. കാരണങ്ങൾ പലതുമുണ്ടായിരിക്കാം . പുകയിലയുല്പന്നങ്ങളും ,മദ്യവും ,കഞ്ചാവും കുട്ടികൾക്ക് നൽകി അവരെ വലയിലാക്കുന്ന ഒരു റാക്കറ്റ് നമുക്കിടയിൽ പ്രവർത്തിച്ചുവരുന്നുണ്ട്. ഇതിലൂടെ വലിയ ആരോഗ്യ പ്രശ്നങ്ങളാണ് കുട്ടികളെ കാത്തിരിക്കുന്നതെന്ന് അവർ അറിയുന്നില്ല.

                    ലഹരി കേവലം മാനസികമായ ഒരു തോന്നൽ മാത്രമാണ്. ദോഷകരമായ എല്ലാ ലഹരികളെയും അകറ്റി നിർത്താൻ നമുക്കു കഴിയും . വായനയിലും കളിയിലും പാട്ടിലുമൊക്കെ ലഹരിയാവാമല്ലോ . ആയുസ്സ് കുറയ്ക്കുന്ന എല്ലാത്തരം ലഹരികളും ഉപേക്ഷിച്ച് ആയുസ്സ് കൂട്ടുന്ന പോസിറ്റീവ് ലഹരിയിലേക്ക് മനസ്സിനെ കേന്ദ്രീകരിക്കുക.

എൻ സി സി യുടെ ഭാഗമായി ലഹരി വിരുദ്ധ പ്രചാരണ റാലി നടത്തി.

ഫോട്ടോ ഗാലറി

സബ് ജില്ല കലോത്സവ ചാമ്പ്യൻഷിപ്പ്

ഫോക്‌ലോർ ക്ലബ്

കേരളം കലയുടെ സ്വന്തം നാടാണ്. കൊയ്തൊഴിഞ്ഞ പാടങ്ങളിലും ,കാവുകളിലും, ഉത്സവപ്പറമ്പിലും നാട്ടുജീവിതത്തോടൊപ്പം കലകളും പിച്ചവെച്ചു വളർന്നു. ചെണ്ടയുടെ രൗദ്രതാളവും ചുവപ്പിന്റെ നിറഞ്ഞാട്ടവും ഗ്രാമജീവിതത്തെ ആഘോഷമാക്കി. അവ ഒരു ജനതയുടെ ജീവിതത്തിന്റെ അടയാളങ്ങളായി. തെയ്യം ,തിറ,പടയണി, മുടിയേറ്റ് തുടങ്ങി എണ്ണം പറയാനാവാതത്ര കലകൾ ഈ നാടിന്റെ പച്ചപ്പിനൊപ്പം വളർന്നിട്ടുണ്ട്. പരിഷ്കാരങ്ങളുടെ വെയിലിൽ ചിലതെല്ലാം തളർന്നെങ്കിലും തളരാത്ത നാട്ടുവഴികൾ ഇപ്പോഴും ജീവിക്കുന്നുണ്ട് ഒട്ടേറെ കലകൾ . കേരളത്തിന്റെ ജീവൻ തുടിക്കുന്ന നാടൻ കലകളെക്കുറിച്ച് അടുത്തറിയാൻ നമ്മുടെ സ്ക്കൂളിലെ ഫോക്ലോർ ക്ലബ് സഹായകമാകുന്നു.

                                                     'ഒാണപ്പ‌ുലരിയുടെ ആരവവുമായി               
                                                   അഴീക്കോട് എച്ച് എസ് എസ്''''

അഴീക്കോട്:  അങ്ങനെ വീണ്ടും ഒരോണം കൂടി വന്നുപോയി. കൂട്ടുകാരോടൊപ്പമുള്ള ഒാണപ്പൂക്കളവും, ഒാണക്കളികളും, ഒാണസദ്യയും ഒത്തുചേർന്ന സന്തോഷത്തിന്റെ ദിനം. രാവിലെ ആരംഭിച്ച ഒാണപ്പൂക്കളമത്സരത്തിൽ എല്ലാ ക്ളാസുകളുടേയും സജീവസാന്നിധ്യം ഉണ്ടായിരുന്നു. അങ്ങനെ ക്ളാസ്സുകളിൽ കൂട്ടുകാരോടൊത്ത് ഒാണപ്പൂൂക്കളം തയ്യാറാക്കുമ്പോൾ അധ്യാപകരും ആ ആഘോഷവേളയിൽ നമ്മോടൊപ്പം പങ്കുചേർന്നിരുന്നു. അങ്ങനെ പൂക്കളങ്ങൾ തയ്യാറാക്കി കഴിഞ്ഞതോടെ എല്ലാവരും ഒാണക്കളികളിലേക്ക് തിരിഞ്ഞു. കമ്പവലിയും, ഒാണപ്പാട്ടുകളും മറ്റുു ചില വിനോദങ്ങളും അങ്ങനെ എല്ലാവരും ആഹ്ളാദിച്ചു. വിദ്യാർത്ഥികൾ  മാത്രമല്ല അധ്യാപകരും ഓണക്കളികളിൽ ഏർപ്പെട്ടിരുന്നു. അവസാനം വിവിധതരം വിഭവങ്ങൾ അടങ്ങിയ സദ്യ കഴിഞ്ഞതോടുകൂടി എല്ലാവരും പിരിഞ്ഞു. ആ ദിവസം എല്ലാവരുടേയും മനസ്സിൽ കൂട്ടുകാരോടൊപ്പമുള്ള  സന്തോഷത്തിന്റെ, ഐശ്വര്യത്തിന്റെ ഒാണക്കാല ഒാർമ്മകളായിമാറി.

alt text

സെമിനാർ സംഘടിപ്പിച്ചു

ചാലഞ്ച് ടാലന്റ് ടേബിൾ

അഴീക്കോട് ഹയർ സെക്കണ്ടറി സ്ക്കൂൾ 17-18അദ്ധ്യയനവർഷത്തിൽ 8ാം തരത്തിൽ പ്രവേശനം നേടിയ കുട്ടികളിൽ നിന്നും പഠന പിന്നോക്കമുള്ള 50 കുട്ടികളെ എഴുത്ത് പരീക്ഷ നടത്തി കണ്ടെത്തുകയായിരുന്നു. ഈ അമ്പത് കുട്ടികൾക്ക് അധികം ഒരു മണിക്കൂർ കണക്ക് ക്ലാസ്സുകളായിരുന്നു നൽകിയിരുന്നത് 80 വർക്ക് ഷീറ്റുകളാണ് ചാലഞ്ചിനായി തയ്യാറാക്കിയിരുന്നത് . പഠനത്തോട് തീരേ വിമുകത കാണിക്കാതിരുന്ന കുട്ടികൾ പോലും ചാലഞ്ച് വർക്ക് ഷീറ്റുകൾ ആവേശത്തോടെ ചെയ്തു തീർക്കാൻ അവരുടെ ഒഴിവു സമയങ്ങളിലും ചാലഞ്ച് ക്ലാസ്സുമുറിയിലെത്തി . ഇടവിട്ട് മോട്ടിവേഷൻ ക്ലാസ്സ് നൽകിയതിനാൽ കൊഴുഞ്ഞുപോക്കും ഉണ്ടായില്ല . ഓരോ ഘട്ടത്തിലും പഠന പുരോഗതി വിലയിരുത്തപ്പെട്ടു .എം മധുസൂദനൻ , വി കെ സർജിത്ത് , രാജേഷ് വാര്യർ എന്നിവർ നേതൃത്വം നൽകി . തുടർ ക്ലാസ്സുകൾ ഈ വർഷവും നടക്കുന്നതാണ് .

സോഷ്യൽ സയൻസ് ക്ളബ്ബ്

ജൂലൈ 5-ാം തീയ്യതി ഓൺലൈനായി ഉദ്ഘാടനം നടത്തുകയും 250 ഓളം കുട്ടികൾ അംഗങ്ങളായി. ക്ളബ്ബ് കൺവീനർ ശ്രീമതി പി രജന. വിവിധ ദിനാചരണങ്ങളിൽ മത്സരങ്ങൾ സംഘടിപ്പിച്ചു. പ്രബന്ധ മത്സരം, പോസ്റ്റർ രചനാ മത്സരം, കൊളാഷ് നിർമ്മാണ മത്സരം, പ്രസംഗ മത്സരം തുടങ്ങിയവ. സ്വാതന്ത്ര്യ ദിനത്തോടനുബന്ധിച്ച് സമര സേനാനികളുടെ ചിത്ര ആൽബം തയ്യാറാക്കി.

ഐ ടി ക്ലബ്

ഐ ടി ക്ലബിന്റെ ആഭിമുഖ്യത്തിൽ 17 -08-2017 ന് ഡിജിറ്റൽ പെയിന്റിങ്ങ് HS മത്സരം നടത്തി.

ഒന്നാം സ്ഥാനം ലഭിച്ച ചിത്രം-കാർത്തിക സതീഷ്
ഷഹാന ഇ പി
നജ പർവീൺ
കാർത്തിക സതീഷ്

ഐ ടി ക്ലബ്ബിന്റെ പോസ്റ്റർ രചന മത്സരം നടത്തി.

ഒന്നാം സ്ഥാനം - ദേവിക ഷൈജു
രണ്ടാം സ്ഥാനം - ഷഹാന ഇ പി

മലയാളം ടൈപ്പിങ് മത്സരവും  നടത്തി.

ഒന്നാം സ്ഥാനം - നിലീന കെ ഐ വി
രണ്ടാം സ്ഥാനം - അനാമിക പൃഥ്വിരാജ്.

രക്ഷിതാക്കൾക്കായി കുട്ടികൾ സൈബർ സുരക്ഷ ബോധവത്കരണ ക്ലാസ്സ് നടത്തി.

വായനാദിനം

വായന ദിനത്തോട് അനുബന്ധിച്ച് വിവിധ പരിപാടികൾ നടന്നു. രവി ഏഴോം മുഖ്യ അത്ഥിയായി വന്നപ്പോൾ

ക്വിസ് മത്സരവും വായന മത്സരവും നടത്തി.

ഉപജില്ലാ കായികമേള....

ഉപജില്ലാ കായികമേളയിൽ നമ്മുടെ വിദ്യാലയത്തിന് മികച്ചനേട്ടം
ണ്ണൂർ റവന്യൂ ജില്ലാ കായിക മേളയിൽ ജൂനിയർ വിഭാഗം ആൺകുട്ടികളുടെ 3000 മീറ്റർ മത്സരത്തിൽ വെള്ളിമെഡൽ നേടിയ ആകാശ് സുരേഷ്.

New

അഴീക്കോട് എച്ച് എസ് എസ്/പ്രവർത്തനങ്ങൾ

ഉള്ളടക്കം