യു.എ. ബീരാൻ
ഒരു രാഷ്ട്രീയപ്രവർത്തകനും കേരളത്തിലെ വിദ്യാഭ്യാസവകുപ്പുമന്ത്രിയുമായിരുന്നു യു.എ. ബീരാൻ (1925 മാർച്ച് 9 – 2001 മേയ് 31).[1]
നാല്പതുകളിൽ ഇൻഡ്യൻ സൈന്യത്തിലും അൻപതുകളുടെ ആദ്യസമയത്ത് ബോംബെയിൽ ഒരു ബ്രിട്ടീഷ് എഞ്ചിനിയറിംഗ് കമ്പനിയിലും ഇദ്ദേഹം ജോലി ചെയ്തിട്ടുണ്ട്. ഇദ്ദേഹം പിന്നീട് മുസ്ലീം ലീഗിൽ ചേർന്ന് രാഷ്ട്രീയ പ്രവർത്തനം ആരംഭിച്ചു.
എ.കെ.ആന്റണിയുടെ നേതൃത്വത്തിലുള്ള മന്ത്രിസഭയിൽ 1978 ജനുവരി 27 മുതൽ 1978 നവംബർ 3 വരെ വിദ്യാഭ്യാസ സാമൂഹിക ക്ഷേമ മന്ത്രിയായി ബീരാൻ സേവനമനുഷ്ഠിച്ചു. 1982 മെയ് 24 മുതൽ 1987 മാർച്ച് 25 വരെ കെ. കരുണാകരന്റെ നേതൃത്വത്തിലുള്ള മന്ത്രിസഭയിൽ ഭക്ഷ്യ സിവിൽ സപ്ലൈസ് മന്ത്രിയായിരുന്നു.