മെരുവമ്പായി യു പി എസ്/എന്റെ ഗ്രാമം
സാംസ്കാരിക-പൈതൃക മേഖലകളിൽ ഉന്നതമായ സ്ഥാനം കൈമുതലാക്കിയ കണ്ണൂർ ജില്ലയിലെ പ്രസിദ്ധമായ മെരുവമ്പായി പ്രദേശത്തു വളർന്നു വന്ന നമ്മുടെ സ്കൂൾ അതിൽ അഭിമാനം കൊള്ളുന്നു. നാടിൻറെ സ്പന്ദനങ്ങൾ മനസ്സിലാക്കി അറിവിന്റെയും ധർമ്മ സംസ്ഥാപനത്തിന്റെയും വഴികളിലൂടെ ഇന്നും സഞ്ചരിക്കുന്നു. തെയ്യങ്ങളുടെയും കാവുത്സവങ്ങളുടേയും ഉറൂസുകളുടെയും സംഗമ ഭൂമിയായ മെരുവമ്പായി സാംസ്കാരിക കേരളത്തിന് അഭിമാനമാണ്. കാവുകളും മുസ്ലിം പള്ളികളും ക്ഷേത്രങ്ങളും മറ്റു സാംസ്കാരിക സാമുദായിക കായിക കേന്ദ്രങ്ങളും നാടിൻറെ അഭിമാനമാണ്.