കുമ്മനം ഗവ യുപിഎസ്/എന്റെ ഗ്രാമം

നിറയെ കാവുകളും ജലസ്രോതസ്സുകളും ഉള്ള പ്രദേശമാണ് കുമ്മനം.

പക്ഷിവൃക്ഷസസ്യലതാദികളുൾപ്പെടുന്ന കാവുകൾ ആ പ്രദേശത്തിന്റെ ജലസ്രോതസ്സുകളെ ഒരിക്കലും വറ്റാതെ സൂക്ഷിക്കുന്നു. വിശുദ്ധവനങ്ങളെന്നാണ് കാവുകളെ വിശേഷിപ്പിക്കുന്നത്. ജൈവവൈവിധ്യത്തിന്റെ കലവറയായ കാവ് നിത്യഹരിതവനത്തിന്റെ ചെറുപതിപ്പാണ്.പ്രാചീന ആരാധനാരീതികളുടെ കേന്ദ്രസ്ഥാനമാണ് കാവുകൾ പത്തൊമ്പതാം നൂറ്റാണ്ടിന്റെ ആരംഭത്തിൽ കേരളത്തിൽ മുപ്പ തിനായിരത്തോളം കാവുകൾ ഉണ്ടായിരുന്നുവെന്നാണ് പഴമക്കാർ പറയുന്നത്.മീനച്ചിലാറിന്റെ തോടായ അഞ്ഞൂറുതോടിന്റെ കരയിൽ അയ്മനം പഞ്ചായത്തിലാണ് കുമ്മനം ഇളങ്കാവ് ക്ഷേത്രം. ഇളങ്കാവ്ക്ഷേത്രവക ഭൂമിയിലാണ് സ്കൂൾ പ്രവർത്തനം ആരംഭിച്ചത് പടിഞ്ഞാറ് ദർശനമായ ഭഗവതിയാണ് പ്രധാന മൂർത്തി. മീനഭരണി ആറാട്ടായി എട്ടുദിവസം ഉത്സവം നടക്കുന്നുണ്ട്. ഗരുഡൻ തൂക്കവും കുംഭകുടവും ഇവിടെ നടക്കുന്നുണ്ട്.

തളിയിൽ ശിവക്ഷേത്രത്തിന്റെ തെക്കുകിഴക്കായി ചെറുവള്ളി ക്കാവിലമ്മയുടെ ദാരുവിഗ്രഹം കാണാം, ബിംബത്തിന്റെ ജീർണ്ണത കൊണ്ട് പിച്ചി പതിച്ചാണ് ഇവിടെ പൂജ നടത്തുന്നത്.