സി.എം.എച്ച്.എസ് മാങ്കടവ്/വിദ്യാരംഗം
വിദ്യാരംഗം കലാസാഹിത്യവേദി
കേരളസർക്കാരിന്റെ പൊതുവിദ്യാഭ്യാസവകുപ്പിന്റെ സംരംഭമാണ് വിദ്യാരംഗം കലാസാഹിത്യവേദി. കുട്ടികളുടെ സർഗ്ഗശേഷി വികസിപ്പിക്കുന്നതിനു വിദ്യാലയങ്ങളിൽ പ്രവർത്തിക്കുന്ന ഒരു സംഘടന യാണിത്. മനുഷ്യത്വം വളർത്തിയെടുക്കുക എന്ന ലക്ഷ്യമാണ് വിദ്യാരംഗം കലാസാഹിത്യവേദിക്കുളളത്. വിദ്യാലയങ്ങളാണ് വേദിയുടെ പ്രവർത്തനത്തിന്റെ തുടക്കം. അദ്ധ്യാപകൻ ചെയർമാനും വിദ്യാർ ത്ഥികളിൽ ഒരാൾ കൺവീനറുമായി വേദിയുടെ സംഘടനാപ്രവർത്തനം ആരംഭിക്കുന്നു. സബ്‌ജില്ലാതലത്തിൽ ഉപജില്ലാവിദ്യഭ്യാസ ഓഫീസർ ചെയർമാനും അദ്ധ്യാപകൻ കൺവീനറുമായി ജില്ലാ തല ത്തിൽ ഇതിനു സംഘടനാരൂപമുണ്ട്. വിദ്യാരംഗം മാസികയുടെ പത്രാധിപസമിതിയാണ് സംസ്ഥാനാടിസ്ഥാനത്തിൽ കലാസാഹിത്യവേദിക്ക് വേണ്ട നിർദ്ദേശങ്ങൾ നൽകുന്നതു. വിദ്യഭ്യാസ ഡയരക്ടർ ആണ് വിദ്യാരംഗം മാസികയുടെ പ്രവർത്തനങ്ങളെ നിയന്ത്രിക്കുന്നത്.വിദ്യാലയ പ്രവർത്തനാരംഭത്തിൽ തന്നെ വായനാദിനാചരണവും വായനാവാരവും ആചരിക്കുക, വായനാമത്സരം നടത്തുക, നല്ല വായനക്കാരെ തെരഞ്ഞെടുക്കുക, വായനയുടെ പ്രാധ്യാന്യം ഉൾക്കൊളളുന്ന പ്രബന്ധമത്സരം, പ്രഭാഷണങ്ങൾ എന്നിവ സംഘടിപ്പിക്കുക, ലൈബ്രറി പുസ്തക വിതരണം കാര്യക്ഷമമാക്കുക തുടങ്ങിയവ വിദ്യാരംഗം കലാസാഹിത്യവേദിയുടെ പ്രവർത്തനങ്ങളാണ്.
വിദ്യാരംഗം കലാസാഹിത്യവേദി ഉദ്ഘാടനം 2021
നമ്മുടെ കുട്ടികളിലെ സർഗ്ഗാത്മകത ഉണർത്തുവാനും പാഠ്യ പാഠ്യേതര പ്രവർത്തനങ്ങളിൽ അവനെ പ്രബുദ്ധരാകാനും വേണ്ടി 2021- 22 അധ്യയനവർഷത്തിലെ വിദ്യാരംഗം കലാസാഹിത്യവേദിയുടെയും സ്കൂളിൽ പ്രവർത്തിക്കുന്ന മറ്റു ക്ലബ്ബുകളുടെയും ഉദ്ഘാടനം ജൂലൈ 28 ന് നടന്നു. കാര്യപരിപാടിയിൽ സ്വാഗതം ആശംസിച്ചത് H. M സിസ്റ്റർ മോൺസി ആയിരുന്നു. കേരളമൊന്നാകെ നവംനവങ്ങളായ ആശയങ്ങളുടെ വിരുന്നൂട്ടുന്ന ദീപികയുടെ കൊച്ചേട്ടൻ പെരിയ ബഹുമാനപ്പെട്ട ഫാദർ റോയി കണ്ണൻചിറ ആയിരുന്നു ഉദ്ഘാടകൻ. ആശംസകളർപ്പിച്ച് പൂർവ്വ വിദ്യാർത്ഥിയും പ്രശസ്ത റേഡിയോ മിർച്ചിയുമായ ബിബിൻ കെ സാബു ആയിരുന്നു. ബിബിൻ തന്റെ സ്വതസിദ്ധമായ സംഗീതവിരുന്നിലൂടെ കുട്ടികളുടെ ഉള്ളിൽ സന്തോഷം വിരിയിച്ചു. പി ടി എ പ്രസിഡണ്ട് ശ്രീ സി ബി ടി ടി യും ആശംസകളർപ്പിച്ച് സംസാരിച്ചു. സ്കൂളിലെ തന്നെ അധ്യാപകർ രചിച്ച്, ഈണം പകർന്ന സ്കൂൾ പ്രയർ സോങ് അന്നേ ദിനം തന്നെ ഓൺലൈൻ ആയി റിലീസ് ചെയ്തു. കുട്ടികളുടെ മനോഹരങ്ങളായ കലാപരിപാടികളാൽ ആകർഷകമായിരുന്നു വേദി. കാര്യപരിപാടിക്ക് സ്കൂൾ സ്റ്റാഫ് സെക്രട്ടറി സിസ്റ്റർ സിൻസി കുര്യൻ കൃതജ്ഞത അർപ്പിച്ചു.
വായനാവാരാചരണം
വായന എന്ന് കേട്ടാൽ ആദ്യം മനസിലേക്ക് വരിക "വായിച്ചാലും വളരും വായിച്ചിലെങ്കിലും വളരും വായിച്ചു വളർന്നാൽ വിളയും വായിക്കാതെ വളർന്നാൽ വളയും "എന്ന കുട്ടിക്കവിതയാണ്. കവിത കുട്ടികൾക്കായാണെങ്കിലും ഒരു മനുഷ്യായുസ്സിന്റെ അർത്ഥം മുഴുവൻ ആ വരികളിലുണ്ട്. വായന അന്യമായിക്കൊണ്ടിരിക്കുന്ന ഇന്നത്തെ സമൂഹത്തിൽ ജൂൺ 19 വായനാദിനമാണെന്നും അതെങ്ങനെ വായനാദിനമായെന്നും പലർക്കും അറിയില്ല. പി.എൻ. പണിക്കരുടെ ചരമ ദിനമായ ജൂൺ 19ആണ് മലയാളികൾ വായനാദിനമായി ആചരിക്കുന്നത്. നമ്മുടെ സ്കൂളിലെ വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ 2021 ജൂൺ 19-ാം മുതൽ ഒരാഴ്ചത്തേക്ക് വിവിധ മത്സരങ്ങൾ നടത്തി വായനാവാരം ആചരിച്ചു. വീഡിയോ കാണാൻ ഇവിടെ ക്ലിക്ക് ചെയ്യുക
