(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
ചെറിയ വലിയ കാര്യം
ഒരു ദിവസം രാജു നടക്കാനിറങ്ങി. അപ്പോഴാണ് വഴിയിൽ ഒരു അപ്പൂപ്പനെ കണ്ടത്. വഴിയിൽ നിന്ന് എന്തോ എടുക്കുകയാണ് അപ്പൂപ്പൻ.
രാജു അടുത്ത് ചെന്ന് നോക്കി. ഒരു കൊച്ചു പുഴുവിനെയാണ് അപ്പൂപ്പൻ സൂക്ഷിച്ച് ഒര് ഇലയിൽ എടുക്കുന്നത്. എന്നിട്ട് അദ്ദേഹം അതിനെ ഒര് മരത്തിലെ ഇലകൾക്കിടയിൽ വച്ചു. പെട്ടന്ന് പുഴു ചെടികൾക്കിടയിലേക്ക് മറഞ്ഞു.
രാജു അപ്പുപ്പനോട് എന്തിനാണ് ഇങ്ങനെ ചെയ്യുന്നത് എന്ന് തിരക്കി.'പാപം... വഴിയിൽ കിടന്ന് ആരുടേയും ചവിട്ടു കൊണ്ട് ചാകേണ്ടെന്ന് കരുതി " അപ്പൂപ്പൻ പറഞ്ഞു.
രാജുവിന് ചിരി വന്നു. അവൻ അപ്പുപ്പനോട് പറഞ്ഞു. അപ്പൂപ്പാ, ഈ വഴിയിൽ ധാരാളം പ്രാണികളുണ്ട് അവയെ എല്ലാം രക്ഷിക്കാൻ കഴിയുമോ? ഇവയെ രക്ഷിച്ചിട്ട് ലോകത്തിന് എന്തെങ്കിലും മാറ്റം ഉണ്ടാകുമെന്ന് തോന്നുന്നുണ്ടോ?
അപ്പൂപ്പൻ ചിരിച്ചു കൊണ്ട് പറഞ്ഞു "ലോകത്തിന് ഒരു മാറ്റവും ഉണ്ടാകില്ല. പക്ഷേ രക്ഷപ്പെട്ട ജിവിക്ക് ഒര് ലോകം കിട്ടും. അതൊരു നല്ല കാര്യമല്ലേ " ഇതു കേട്ട രാജു സന്തോഷത്തോടെ വീട്ടിലേക്ക് പോയി
