വിജയോദയം യു പി എസ്സ് ചെമ്പ്/അക്ഷരവൃക്ഷം/കവിത/പ്രകൃതി

പ്രകൃതി പ്രകൃതി കാവും, കുളങ്ങളും, കായലോരങ്ങൾ തൻ കാതിൽ ചിലമ്പുന്ന കാറ്റും കാടുകൾക്കുള്ളിലെ സസ്യ വൈവിധ്യവും - ഭൂതകാലത്തിൻ്റെ സാക്ഷ്യം !   അമ്മയാം വിശ്വ പ്രകൃതിയീ നമ്മൾക്കു തന്ന സൗഭാഗ്യങ്ങളെല്ലാം നന്ദിയില്ലാതെ തിരസ്ക്കരിച്ചു നമ്മൾ നന്മ മനസ്സിലില്ലാത്തോർ മൃത്യനെപ്പോലും കരിക്കട്ടയായ്ക്കണ്ട ബുദ്ധിയില്ലാത്തവർ നമ്മൾ! കാരിരുമ്പിൻ്റെ ഹൃദയങ്ങൾ എത്രയോ - കാവുകൾ വെട്ടിത്തെളിച്ചൂ... കാതര ചിത്തമാണെത്രയോ പക്ഷികൾ- കാണാമറയത്തൊളിച്ചൂ.: വള്ളികൾ ചുറ്റിപ്പിണഞ്ഞു പടർന്നൊരാ - വന്മരച്ചില്ലകൾ തോറും പൂത്തു നിന്നൊരു ഗതകാല സൗരഭ്യ - പൂരിതവർണ്ണപുഷ്പങ്ങൾ ഇന്നിനി ദുർല്ലഭം --മാമരച്ചില്ലക_ ളൊന്നൊകെ നാം വെട്ടിവീഴ്ത്തി ! എത്ര കുളങ്ങളെ മണ്ണിട്ടു മൂടി നാ- മിത്തിരി ഭൂമിക്കു വേണ്ടി എത്രയായാലും മതിവരാറില്ലാത്തൊ- രത്യാഗ്രഹികളെപ്പോലെ! വിസ്തൃത നീല ജലാശയങ്ങൾ ജൈവ - വിസ്മയം കാണിച്ച നാട്ടിൽ ഇന്നില്ലിവിടെ ജലാശയം മാലിന്യ - ക്കണ്ണുനീർ പ്പൊയ്കകളെന്യേ ! പച്ചപ്പരിഷ്ക്കാരത്തേൻ കുഴമ്പുണ്ടു നാം പുച്ഛിച്ചു മാതൃദ്യഗ്ദത്തെ !   ശാരിക. കെ.എസ്സ്- സ്റ്റാൻ്റേർഡ്.V B വിജയോദയം യു.പി ചെമ്പ്, - വൈക്കം ഉപജില്ല കോട്ടയം അക്ഷരവൃക്ഷം പദ്ധതി, 2020 കവിത