പാരിൻ സൗന്ദര്യം ദർശിച്ചിടാൻ
അങ്ങോളമിങ്ങോളം ചുറ്റിനടന്നു
കാണുന്നില്ലേ ആ സുന്ദര ഭൂമി
പാഴിടമായി മാറി പുണ്യഭൂമി
കാനനം വെട്ടിനശിപ്പിച്ചു മന്നർ
മണ്ണിൻ ഫലപുഷ്ടി നഷ്ടമായി
പ്രകൃതി ദുരന്തങ്ങൾ വർധിച്ചിടുന്നു
മാറാത്ത വ്യാധികൾ വേട്ടയാടുന്നു
മാലോകർ തൻ കൊടും ക്രൂരതയാൽ
മുറിവേറ്റു പാരിൽ മേനി മുഴുവൻ
തെരുവുകൾ കുപ്പ കുന്നുകൾ ആയി
നദികളോ മലിനജലത്താൽ നിറഞ്ഞു
ഒന്നിച്ച് കൈകോർത്തു നിന്നിടാം
പരിസ്ഥിതി ശുചിത്വം പാലിച്ചിടാം
പാരിന്റെ സൗന്ദര്യം ദർശിച്ചിടാൻ
മിഴിനീരോടെ ഞാൻ കേണിടുന്നു
