തുടർന്ന് വായിക്കുക...

തീക്കോയി ഗ്രാമപഞ്ചായത്തിൽ കഴിഞ്ഞ നാലു പതിറ്റാണ്ടുകളായി വാടകകെട്ടിടത്തിൽ പ്രവർത്തിച്ചു വന്നിരുന്ന പൂഞ്ഞാർ നിയോജകമണ്ഡലത്തിലെ ഏക സാങ്കേതിക വിദ്യാഭ്യാസ സാഥാപനമായ തീക്കോയി ഗവൺമെന്റ് ഹൈസ്കൂളിന്, ഈരാറ്റുപേട്ട നഗരസഭയിൽ മുനിസിപ്പൽ ഡിവിഷൻ 12-ൽ (ആനിയിളപ്പ്) വാങ്ങിയ 2.5 ഏക്കർ സ്ഥലത്ത് സംസ്ഥാന സർക്കാർ, സാങ്കേതിക വിദ്യാഭ്യാസ ഡയറക്ടറേറ്റ് മുഖേന അനുവദിച്ച 7.5 കോടി രൂപയും ബഹു.പൂഞ്ഞാർ നിയോജകമണ്ഡലം എം എൽ എ അ‍ഡ്വ.സെബാസ്റ്റ്യൻ കുളത്തുങ്കലിന്റെ ആസ്തിവികസന ഫണ്ടിൽ നിന്നും നൽകിയ 1 കോടിരൂപയും ഉൾപ്പെടെ 8.5 കോടി രൂപ ഉപയോഗിച്ച് പുതിയതായി നിർമ്മിച്ച സ്കൂൾകെട്ടിടത്തിന്റെ ഉദ്ഘാടനം 2025 മേയ് 29 വ്യാഴം 2.00 pm ന് ബഹുമാനപ്പെട്ട ഉന്നത വിദ്യാഭ്യസ സാമൂഹ്യ നീതി വകുപ്പ് മന്ത്രി ഡോ.ആർ. ബിന്ദു നിർവ്വഹിച്ചു. ബഹുമാനപ്പെട്ട എം എൽ എ അഡ്വ.സെബാസ്റ്റ്യൻ കുളത്തുങ്കൽ ചടങ്ങിൽ അദ്ധ്യക്ഷത വഹിച്ചു.

പുതിയ സ്കൂൾ മന്ദിരത്തിലെ പ്രവേശനോത്സവം - 2025 ജൂലൈ 10 വ്യാഴം

തീക്കോയി ഗവൺമെന്റ് ടെക്നിക്കൽ ഹൈസ്കൂളിന്റെ പുതിയ സ്കൂൾ മന്ദിരത്തിലെ (ആനിയിളപ്പ്)പ്രവേശനോത്സവം 2025 ജൂലൈ 10 വ്യാഴാഴ്ച നടന്നു. സ്കൂൾ സൂപ്രണ്ട് ഇൻ ചാർജ് ശ്രീ.എ.ജെ നജാം അദ്ധ്യക്ഷത വഹിച്ച യോഗത്തിൽ ബഹു:പൂഞ്ഞാർ നിയോജകമണ്ഡലം എം എൽ എ അ‍ഡ്വ.സെബാസ്റ്റ്യൻ കുളത്തുങ്കൽ പ്രവേശനോത്സവം ഉദ്ഘാടനം ചെയ്തു. ബഹു:എം എൽ എ യ്ക്കുള്ള പുരസ്കാരസമർപ്പണവും തീക്കോയി ഗ്രാമപ‍ഞ്ചായത്ത്,ഈരാറ്റുപേട്ട മുനിസിപ്പാലിറ്റി എന്നിവിടങ്ങളിലെ ജനപ്രതിനിധികൾ ,പിടിഎ പ്രസിഡന്റ്, അധ്യാപകർ,സ്കൂളിലെ മുൻ അധ്യാപകർ,പൂർവ്വ വിദ്യാർത്ഥികൾ എന്നിവരുടെ ആശംസപ്രസംഗവും കുട്ടികളുടെ കലാപരിപാടികളും നടന്ന് ദേശീയഗാനത്തോടുകൂടി യോഗപരിപാടികൾ സമാപിയ്ക്കുകയും വിദ്യാർത്ഥിനി വിദ്യാർത്ഥികൾ ക്ലാസ് റൂമുകളിൽ പ്രവേശിച്ച് പഠനമാരംഭിയ്ക്കുകയും ചെയ്തു.